અજબ પ્રેમ કી ગજબ કહાનીઃ 28 વર્ષ લિવ ઈન રિલેશનશીપમાં રહ્યા, 60 વર્ષની ઉંમર પાર કરીને હવે કર્યા લગ્ન

અજબ પ્રેમ કી ગજબ કહાનીઃ 28 વર્ષ લિવ ઈન રિલેશનશીપમાં રહ્યા, 60 વર્ષની ઉંમર પાર કરીને હવે કર્યા લગ્ન
Share This :
અજબ પ્રેમ કી ગજબ કહાનીઃ 28 વર્ષ લિવ ઈન રિલેશનશીપમાં રહ્યા, 60 વર્ષની ઉંમર પાર કરીને હવે કર્યા લગ્ન

હાઈલાઈટ્સ:

  • મોતીલાલ અને મોહિની છેલ્લાં 28 વર્ષથી લિવ ઈન રિલેશનશીપમાં હતા
  • 65 વર્ષીય મોતીલાલે 60 વર્ષીય મોહિની દેવી સાથે લગ્ન કર્યા
  • મોતીલાલને પ્રિયા અને સીમા નામની બે દીકરીઓ છે, બંને લગ્નમાં સામેલ થઈ હતી

લખનઉઃ ઉત્તર પ્રદેશના અમેઠી જીલ્લામાંથી એક અજીબો ગરીબ પ્રેમનો કિસ્સો સામે આવ્યો છે. અહીં જામો થાના વિસ્તારના ખુટહના ગામમાં 65 વર્ષીય વ્યક્તિએ 60 વર્ષીય મહિલા સાથે લગ્ન કર્યા છે. પરિવારના જણાવ્યા મુજબ, બંને છેલ્લાં 28 વર્ષથી લિવ ઈન રિલેશનશીપમાં હતા. આ લગ્નમાં બંને પક્ષ તરફી સગા સંબંધીઓ હાજર રહ્યાં હતા.

અહીં રવિવારે 65 વર્ષીય મોતીલાલના ઘરે લગ્નના ઢોલ અને શરણાઈ ગૂંજી ઉઠી. મોતીલાલે 60 વર્ષીય મોહિની દેવી સાથે હિન્દુ રિતી રિવાજ સાથે લગ્ન કર્યાં. આ પહેલાં બંને 28 વર્ષથી લિવ ઈન રિલેશનશીપમાં હતા. જો કે, કાયદેસર રીતે બંનેએ લગ્ન ન હતા કર્યાં. બંનેના લગ્ન કરાવનારા પંડિત તેજ રામ પાંડેએ જણાવ્યું કે, તેમનાં લગ્ન થયા ન હતા. સવાલ એ ઊભો થાય છે કે તેમના મર્યા પછી તેમનું શ્રાદ્ધ વગેરે કેવી રીતે થશે. એટલે મોતીલાલે આ ઉંમરના અંતિમ પડાવમાં લગ્ન કરવાનું નક્કી કર્યું.
યમનમાં રણની વચ્ચે આવેલો છે ‘નરકનો કૂવો’, શું તેની અંદર ભૂત રહે છે?

આ કારણથી ન હતા કર્યાં લગ્ન
મોતીલાલનું કહેવું છે કે, લગભગ 28 વર્ષ પહેલાં તેઓ મોહિનીને મકદૂમપુર ગામથી અહીં લઈને આવ્યા હતા. સમાજના કારણે અને બાળકોના લગ્નમાં કોઈ મુશ્કેલી ઊભી ના થાય તે માટે તેઓએ લગ્ન કર્યા ન હતા. હવે અમે પોતે બાળકોનાં લગ્ન કરાવી દીધા છે. સાથે જ તેઓના ઘરે પણ બાળકો છે. એટલે મેં સમાજની દ્રષ્ટિએ મોહિનીને પત્ની માની લીધી. ઉલ્લેખનીય છે કે, મોતીલાલને પ્રિયા અને સીમા નામની બે દીકરીઓ છે. તેમની બંને દીકરીઓ પણ મોતીલાલના લગ્નમાં સામેલ થઈ હતી અને બંને ખુશ હતી. પ્રિયા અને સીમાનું કહેવું છે કે, આ લગ્નમાં સામેલ થઈને અમને ખૂબ આનંદ થાય છે.
ઓટો ડ્રાઈવરનો પુત્ર બન્યો IAF ફ્લાઈંગ ઓફિસર, પૂરું કર્યું પરિવારનું સપનું

પૌત્ર-પૌત્રીઓ બન્યા જાનૈયા
જો કે, પોતાના લગ્નની તૈયારીઓ માટે મોતીલાલે ગામના તમામ લોકોને કંકોત્રી મોકલીને આમંત્રણ પાઠવ્યું હતું. ગામના તમામ લોકો માટે ભોજનની વ્યવસ્થા પણ કરવામાં આવી હતી. આ બધાની હાજરીમાં મોતીલાલ અને મોહિનીએ રીતિ રિવાજ મુજબ લગ્ન કર્યા. આ લગ્નમાં મોતીલાલના પૌત્ર, પૌત્રીઓ અને અન્ય સગાસંબંધીઓ પણ હાજર રહ્યાં હતા.

વરસાદી માહોલ જામતા ગીરનાર રોપવેમાં પર્યટકોએ વાદળો વચ્ચે સવારી કરી! વાયરલ થયો Video

Share This :

Leave a Reply

Your email address will not be published. Required fields are marked *