June 22, 2021

અમદાવાદ જિલ્લામાં દુકાનદારો, રિક્ષા ચાલકો સહિતના માટે રસી અથવા નેગેટિવ RT-PCR રિપોર્ટ ફરજિયાત

અમદાવાદ જિલ્લામાં દુકાનદારો, રિક્ષા ચાલકો સહિતના માટે રસી અથવા નેગેટિવ RT-PCR રિપોર્ટ ફરજિયાત

Share This :
અમદાવાદ જિલ્લામાં દુકાનદારો, રિક્ષા ચાલકો સહિતના માટે રસી અથવા નેગેટિવ RT-PCR રિપોર્ટ ફરજિયાત

હાઈલાઈટ્સ:

  • અમદાવાદ મહાનગર પાલિકા સિવાયના જિલ્લા વિસ્તારમાં આ જાહેરનામું લાગુ પડશે.
  • દરેક વેપારી, પેસેન્જર વ્હીકલ ચાલક, હોટલના સ્ટાફ સહિતનાએ રસીનો એક ડોઝ લેવો ફરજિયાત કરાયો.
  • રસીનો ડોઝ ન લીધો હોય તો 10 દિવસ જૂનો ન હોય તેવો આરટીપીસીઆર રિપોર્ટ સાથે રાખવો પડશે.

અમદાવાદ: અમદાવાદમાં કોરોના સંક્રમણ કાબૂમાં આવી રહ્યું છે. હવે કોરોનાના રોજના કેસો ચાર આંકડામાંથી ત્રણ આંકડામાં આવી ગયા છે. આજથી અમદાવાદમાં છૂટછાટ મુજબ મંદિર, મોલ, બગીચાઓ ખૂલી ગયા છે. જોકે, કોરોનાની ત્રીજી લહેર આવવાની આશંકા વ્યક્ત કરાઈ રહી છે, ત્યારે કોરોના સંક્રમણ રોકવા માટે અમદાવાદ કલેક્ટર દ્વારા જાહેરનામું પાડવામાં આવ્યું છે. જે મુજબ અમદાવાદમાં શાકભાજી, દુકાનદારો, ચા વાળા, લારીવાળા, હોટલવાળા તેમજ રિક્ષા-ટેક્સી ડ્રાઈવરો માટે વેક્સીન મૂકાવવી ફરજિયાત કરાઈ છે. જો રસી ન લીધી હોય આરટીપીસીઆરનો રિપોર્ટ સાથે રાખવો પડશે અને તે પણ દસ દિવસથી વધુ જૂનો ના હોવો જોઈએ.
કોરોનાની ત્રીજી લહેર સામેની તૈયારીઃ માસ્ક વિના રખડતાં લોકો પર નજર રાખી રહી છે પોલીસ
અમદાવાદ જિલ્લામાં કંટ્રોલમાં આવેલું સંક્રમણ ન વધે તે માટે જાહેરનામું બહાર પાડવામા આવ્યું છે. જેમાં જિલ્લાના દુકાનદારો, વેપારીઓ, ફેરિયાઓ, લારી- ગલ્લાવાળાઓ, રિક્ષા અને ટેક્સીચાલકો, હેર કટિંગ સલૂન, બ્યુટી પાર્લર, હેરકટિંગ સલૂન, ખાનગી સિક્યુરિટી ગાર્ડ, શોપિંગ કોમ્પલેક્સના વેપારી અને છુટક મજુરી કરતા કામદારોએ રસીકરણ આવશ્યક રીતે કરાવવું પડશે. તેમણે રસી નહીં લીધી હોય તો RT-PCRનો રીપોર્ટ બતાવવો પડશે. આ રિપોર્ટ છેલ્લા 10 દિવસ નો હોવો જોઈએ.
કોરોનાની આ મહામારીમાં વિલ બનાવવાનું પ્રમાણ કેમ વધી રહ્યું છે?
આ તમામ વેપારીઓએ સક્ષમ અધિકારીઓને રસી લીધાનું સર્ટિફિકેટ કે આરટીપીસીઆર ટેસ્ટ બતાવવાનો રહશે. આજે રાત્રે 12 વાગ્યાથી આ જાહેરનામાનું અમલીકરણ થશે. પોલીસ અધિકારીઓ નગરપાલિકાના અધિકારીઓ અમલીકરણ કરાવશે. મહાનગર પાલિકા સિવાયના જિલ્લા વિસ્તારમાં આ જાહેરનામુ લાગુ પડશે.

ગમે તે માસ્ક ડબલ પહેરી લેવાની ભૂલ કરવાના બદલે સાચી રીતે જાણી લો

જો આ જાહેરનામાનો ભંગ થતો જોવા મળશે તો તેને એપેડેમિક ડિઝાસ્ટર મેનેજમેન્ટ એક્ટ વિરૂદ્ધ કાર્યવાહી કરવામાં આવશે. આ જાહેરનામું બહાર પાડવાનું કારણ એ છે કે હવે તમામ છુટછાટ આપવામાં આવી છે. ત્યારે સુપરસ્પ્રેડરના કારણે સંક્રમણ ફેલાય નહીં. આ જાહેરનામું 12 જૂનથી 11 જુલાઈ સુધી લાગુ કરવામા આવ્યું છે. જેમાં હેડકોન્સ્ટેબલ અને તેના ઉપરી અધિકારીઓને કાર્યવાહી કરવા માટે સૂચના આપવામાં આવી છે.

Share This :