June 22, 2021

અમદાવાદ: લગ્ન માટે કાર ભાડે લઈ ગયો યુવક, પછી બહાર આવી ચોંકાવનારી વાત

અમદાવાદ: લગ્ન માટે કાર ભાડે લઈ ગયો યુવક, પછી બહાર આવી ચોંકાવનારી વાત

Share This :
અમદાવાદ: લગ્ન માટે કાર ભાડે લઈ ગયો યુવક, પછી બહાર આવી ચોંકાવનારી વાત

હાઈલાઈટ્સ:

  • લગ્ન માટે બે દિવસ માટે કાર ભાડે લઈ ગયો હતો યુવક.
  • પછી કાર પાછી આપવા જ ન આવ્યો.
  • યુવકે દેવું વધી ગયું હોવાથી કાર ગિરવે મૂકી દીધી હોવાની કરી કબુલાત.

અમદાવાદ: અમદાવાદના વસ્ત્રાપુર વિસ્તારમાં ટ્રાવેલ્સની ઓફિસ ધરાવતા એક વ્યક્તિ સાથે લગ્નના નામે કાર ભાડે લેવાનું કહી મોટી છેતરપિંડી થયાની ઘટના સામે આવી છે.

અમદાવાદના સેટેલાઈટ વિસ્તારમાં રહેતા દીપેનભાઈની છેલ્લા બે વર્ષથી વસ્ત્રાપુરમાં ટ્રાવેલ્સની ઓફિસ આવેલી છે. થોડા દિવસ પહેલા તેઓ મિત્રની કાર લઈને વાસણા ખાતે આવેલા એક ગેરેજ પર ગયા હતા. એ દરમિયાન તેમના પર બાપુનગરના ધવલ બારોટ નામના વ્યક્તિનો ફોન આવ્યો હતો. તેને લગ્ન માટે સારી કાર ભાડે જોઈતી હતી.
સુરત: મિત્રની 13 વર્ષની દીકરી સાથે દુષ્કર્મના કેસમાં કોર્ટે રિક્ષાચાલકને ફટકારી 20 વર્ષની સજા
દીપેનભાઈએ પોતાના મિત્રની કાર ભાડે આપવાની વ્યવસ્થા કરી આપવાનું કહી ધવલને વાસણા ખાતે બોલાવ્યો હતો. જોકે, ધવલે પોતાના બદલે અન્ય વ્યક્તિને ત્યાં મોકલ્યો હતો. એ વ્યક્તિએ પણ પોતાનું નામ ધવલ બારોટ હોવાનું જણાવ્યું હતું. એ વ્યક્તિ બે દિવસમાં ગાડી પાછી આપી દેવાનું કહી બે દિવસના રૂ. 3500ના ભાવે કાર ભાડે લઈને નીકળી ગયો હતો.

બે દિવસ પછી જ્યારે દીપેનભાઈએ પોતાની કાર પાછી માંગી તો ધવલ ગલ્લાં-તલ્લાં કરવા લાગ્યો હતો. તેણે કહ્યું કે, દવાખાનાનું કામ આવી ગયું હોવાથી કાર પાછી આપવામાં મોડું થયું છે. તે પછી ધવલ તેની માતાને લઈને દીપનેભાઈની ઓફિસે પહોંચ્યો હતો.
ઝઘડો થયા પછી પત્નીએ પોતાના પતિની હત્યા કરીને તેનું એક અંગ કાપીને રાંધ્યું
ધવલ અને તેની માતાએ દીપેનભાઈને જે વાત જણાવી તે સાંભળી દીપેનભાઈના પગ નીચેથી ધરતી ખસી ગઈ હતી. ધવલે તેમને જણાવ્યું કે, તેના પર ઘણું દેવું થઈ ગયું છે અને વ્યાજના ચક્કરમાં ફસાઈ ગયો છે. ધવલે કહ્યું કે, તેણે કાર ગીરવે મૂકી દીધી છે. આ સાંભળી દીપેનભાઈ ચોંકી ગયા હતા. જોકે, ધવલે તેમને ખાતરી આપી હતી કે તે બે દિવસમાં કાર છોડાવીને પાછી આપી જશે.

ધવલે આ કાર પોતાના મિત્ર પંકજ બારોટની પાસે ગિરવે મૂકી હતી. જોકે, બે દિવસ પછી પણ ધવલ કાર લઈને આવ્યો ન હતો. તે પછી પણ દીપેનભાઈએ રાહ જોઈ હતી, પરંતુ ધવલ કાર લઈને ન આવતા આખરે દીપેનભાઈએ વાસણા પોલીસ સ્ટેશનમાં ધવલ રોહિતભાઈ બારોટ અને અન્ય ધવલ બારોટ નામના વ્યક્તિ સામે ફરિયાદ નોંધાવતા પોલીસ તપાસ હાથ ધરી છે.

વીજળીના તાર પર લટકતા પક્ષીને બચાવવા ગયેલો યુવક ભડથું થઈ ગયો

Share This :