April 11, 2021

Live Breaking News Coverage & Updates Website IN Gujarati Language

Live Breaking News Coverage & Updates Website IN Gujarati Language

કપિલ દેવે જણાવી પોતાના અને રિશભ પંત વચ્ચેની સમાનતા

Share This :

હાઈલાઈટ્સ:

  • રિશભ પંતને દિલ્હી કેપિટલ્સે આઈપીએલની આગામી સીઝન માટે કેપ્ટન બનાવ્યો છે.
  • કપિલ દેવ ભારતીય ટીમના કેપ્ટન બન્યા ત્યારે તેમની ઉંમર 23 વર્ષ હતી. પંત પણ 23 વર્ષે એક ટીમનો કેપ્ટન બન્યો છે.
  • કપિલ દેવે સલાહ આપી કે, શિખર ધવન અને અજિંક્ય રહાણે જેવા સીનિયર્સે રિશભ પંતની મદદ કરવી પડશે.

નવી દિલ્હી: ભારતીય ટીમના પૂર્વ કેપ્ટન કપિલ દેવને પોતાના અને રિશભ પંત વચ્ચે કેટલીક સમાનતા દેખાઈ રહી છે. રિશભ પંતને 23 વર્ષની ઉંમરમાં ઈન્ડિયન પ્રીમિયર લીગમાં દિલ્હી કેપિટલ્સની કેપ્ટનશિપ સોંપવામાં આવી છે. શ્રેયસ અય્યર ખભાની ઈજા થતા આઈપીએલ 2021ની બહાર થઈ ગયો છે અને તે પછી રિશભ પંતને દિલ્હી કેપિટલ્સનો કેપ્ટન બનાવાયો.

કપિલને જ્યારે ભારતીય ટીમની કેપ્ટનશિપ સોંપવામાં આવી, ત્યારે તેની ઉંમર 23 વર્ષની હતી. જ્યારે તે 24 વર્ષના થયા એ વખતે તેમની કેપ્ટનશિપમાં ભારતે 1983નો પહેલો વર્લ્ડકપ જીત્યો હતો.

રિશભ પંતને દિલ્હી કેપિટલ્સનો કેપ્ટન બનાવ્યો છે, ત્યારે કપિલ દેવે એક સલાહ આપી છે કે, સીનિયર ખેલાડીઓએ આ યુવા કેપ્ટનની મેદાન પર મદદ કરવી પડશે.

કપિલ દેવે એક ન્યૂઝ ચેનલને જણાવ્યું કે, ‘જો સીનિયર ખેલાડી તેમનું સમર્થન કરે છે, તો તેમને (રિશભ પંતને) વધારે મુશ્કેલી નહીં પડે. મને પણ આટલી નાની ઉંમરમાં કેપ્ટન બનાવી દેવાયો હતો. રિકી પોન્ટિંગ કોચ તરીકે માત્ર ડ્રેસિંગ રૂમમાં પોતાની ભૂમિકા નિભાવી શકે છે. એક વખત ટીમ જ્યારે મેદાનમાં પર છે તો કેપ્ટનના વિચાર સૌથી વધુ મહત્વ રાખે છે. અજિંક્ય રહાણે અને શિખર ધવન જેવા સીનિયર ખેલાડીઓએ યુવા કેપ્ટનનો સપોર્ટ કરવો પડશે. ઘણી વખત સપોર્ટ નથી હોતો અને આપણે થોડી મેચો સુધી તેની રાહ જોવી પડે છે.’

દિલ્હી કેપિટલ્સની પાસે પંત ઉપરાંત ઘણા અનુભવી વિકલ્પ હતા. તેમાં શિખર ધવન, અજિંક્ય રહાણે, રવિચંદ્રન અશ્ચિન અને સ્ટીવ સ્મિથના નામ સામેલ છે. બધાએ પહેલા આઈપીએલ ટીમોનું પ્રતિનિધિત્વ કર્યું છે. જોકે, ફ્રેન્ચાઈઝીએ પંત પર દાવ ખેલવાનો નિર્ણય લીધો.

કપિલ જોકે માને છે કે, પંત માટે કેપ્ટન તરીકે પોતાની પહેલી જ સીઝનમાં દિલ્હીને ટ્રોફી જીતાડવી મુશ્કેલ હશે.

તેમણે એબીપી ન્યૂઝને કહ્યું કે, ‘હા, દિલ્હીના ટ્રોફી જીતવાના 25-26 ટકા ચાન્સ છે. મને નથી લાગતું કે, તેનાથી વધુ ચાન્સ છે, કેમકે તેનો અર્થ હશે કેતે બાકી ટીમોના કેપ્ટનથી વધુ સારો છે. તે નવો કેપ્ટન છે, તેને ઘણા અનુભવની જરૂર છે, પરંતુ ટ્રોફી જીતવી ઘણી મુશ્કેલ છે.’

Share This :