April 11, 2021

Live Breaking News Coverage & Updates Website IN Gujarati Language

Live Breaking News Coverage & Updates Website IN Gujarati Language

કોંગ્રેસના આક્ષેપો સામે નાયબ મુખ્યમંત્રી નીતિન પટેલે કહ્યું ગુજરાતમાં સ્થિતિ કંટ્રોલમાં છે

Share This :

અમદાવાદઃ કોરોનાના વધી રહેલા કેસ સામે હાઈકોર્ટની ટીપ્પણી બાદ ગઈ કાલે મુખ્યમંત્રીએ બેઠક કરી 20 શહેરોમાં રાત્રી કર્ફ્યૂની જાહેરાત કરવામાં આવી હતી. સરકારની કામગીરી સામે કોંગ્રેસ દ્વારા સતત પ્રશ્નો ઉઠાવવામાં આવી રહ્યા છે. જેની સામે આજે નાયબ મુખ્યમંત્રી નીતિન પટેલે કોરોનાની સ્થિતિ અંગે માહિતી આપી.

નીતિન પટેલે કોરોનાની હાલની સ્થિતિ અંગે જણાવ્યું કે, હાલમાં કોરોનાની સ્થિતિ કંટ્રોલમાં છે. હાઈકોર્ટના માર્ગદર્શનનો રાજ્ય સરકાર દ્વારા અમલ કરવામાં આવ્યો છે. રાજ્ય સરકાર દ્વારા બધી જ હોસ્પિટલમાં તમામ વ્યવસ્થા કરવા માટે પ્રયત્નો કરવામાં આવી રહ્યા છે. દર્દીઓને મુશ્કેલી ન પડે તે માટે ઓક્સિઝન કંપનીઓને આદેશ આપવામાં આવ્યો છે ઉપરાંત 3 લાખ રેમડેસિવર ઈન્જેક્શનનો ઓર્ડર પણ આપી દેવામાં આવ્યો છે.

સરકારી હોસ્પિટલમાં આ ઈન્જેક્શન મફતમાં આપવામાં આવી રહ્યા છે. આ સાથે પ્રાઈવેટ હોસ્પિટલમાં પણ સરકાર આ ઈન્જેક્શન પડતર ભાવે આપશે. જેથી દર્દીઓને ઈન્જેક્શન માટે આમ તેમ દોડવું ન પડે. કોંગ્રેસના આક્ષેપ સામે નાયબ મુખ્યમંત્રીએ કહ્યું કે ગુજરાત કરતા કોંગ્રેસ ની સરકાર છે તે રાજ્યમાં વધુ કેસ છે. દિલ્હીમાં પણ કેસોની સંખ્યા સતત વધી રહી છે. ટેસ્ટ કરવામાં પણ એન્ટીજેન ટેસ્ટ અને આરટીપીસીઆર ટેસ્ટ 75 હજાર થી 1.25 લાખ ટેસ્ટ કરવામાં આવી રહ્યા છે.

અર્જુન મોઢવાડિયા દ્વારા જે આક્ષેપ કરવામાં આવ્યો છે હોસ્પિટલમાં દર્દીઓ માટે જગ્યા નથી તો તેમને જણાવીએ કે અમે હાલમાં અનેક હોસ્પિટલમાં બેડ્સની સુવિધા તૈયાર કરી રહ્યા છીએ. ખાનગી હોસ્પિટલમાં દર્દીઓને દાખલ કરવામાં આવી રહ્યા છે. સિવિલ કેમ્પેસમાં 1200 બેડ ઉપરાંત કેન્સર હોસ્પિટલ અને કિડની હોસ્પિટલમાં પણ દર્દીઓને દાખલ કરવામાં આવી રહ્યા છે.

રાજ્યમાં હાલમાં કોરોના માટે જે બેડની ફાળવણી કરવામાં આવ્યા છે. જેમાં હાલ 63 ટકા બેડ ઓક્યુપાઈ છે એટલે ક 37 ટકા બેડ ખાલી છે. પહેલા તબક્કામાં જે વ્યવસ્થા હતી તે બધી વ્યવસ્થા ફરીથી લાગુ કરવામાં આવી છે.

Share This :