June 22, 2021

કોરોનાની ત્રીજી લહેર સામેની તૈયારીઃ માસ્ક વિના રખડતાં લોકો પર નજર રાખી રહી છે પોલીસ

કોરોનાની ત્રીજી લહેર સામેની તૈયારીઃ માસ્ક વિના રખડતાં લોકો પર નજર રાખી રહી છે પોલીસ

Share This :
કોરોનાની ત્રીજી લહેર સામેની તૈયારીઃ માસ્ક વિના રખડતાં લોકો પર નજર રાખી રહી છે પોલીસ

હાઈલાઈટ્સ:

  • માસ્ક ન પહેરનારા લોકો પર પોલીસની કડક નજર
  • પોલીસને માસ્કના નિયમનું કડક રીતે પાલન કરાવવાના આદેશ મળ્યા
  • અમદાવાદમાં છેલ્લા ઘણા સમયથી ઘટી ગયા છે કોવિડ-19ના કેસ

અમદાવાદઃ પાછલા વર્ષ દરમિયાન, સામાન્ય રીતે જોવા મળ્યું હતું કે કોવિડના કેસમાં વધારો અને ઘટાડો, એકત્રિત થયેલા માસ્કના દંડમાં પણ પ્રતિબિંબિત થતો હતો. પરંતુ, હવે તેમ થશે નહીં. કોરોનાની ત્રીજી લહેરની અપેક્ષાને ધ્યાનમાં રાખીને શહેર પોલીસ માસ્ક ન પહેરનારા લોકો પર કડક નજર રાખી રહી છે. હવે વધુ ગુના નોંધવામાં આવી રહ્યા છે. વરિષ્ઠ પોલીસ અધિકારીઓએ જણાવ્યું હતું કે, નોવેલ કોરોના વાયરસના કેસ ફરીથી વધશે, જો લોકો સાવચેતીનું ઉલ્લંઘન કરે તો, તેથી માસ્કના નિયમનું કડક રીતે પાલન કરાવવાના આદેશ મળ્યા છે.

ચૂંટણીના મહિનામાં-ફેબ્રુઆરી 2021 દરમિયાન પોલીસે માસ્કના નિયમોનું પાલન ન કરનારા લોકો સામે કૂણું વલણ દાખવ્યું હતું. તે સમયે પ્રતિ દિન 327 જેટલા કેસ નોંધાતા હતા અને 21 ફેબ્રુઆરીએ મતદાનના દિવસે તો માત્ર ચાર જ કેસ નોંધાયા હતા.

ધો.10માં કોઈ વિદ્યાર્થીને કુલ 0 ગુણ હોય તો પણ મહત્તમ 198 માર્ક્સ આપીને પાસ કરાશે
જેવી ચૂંટણી ખતમ થઈ કે તરત જ પોલીસ કડક બની હતી અને માર્ચ તેમજ એપ્રિલમાં કોરોના વાયરસના કેસ પણ ઝડપથી વધવા લાગ્યા હતા. પોલીસ માર્ચ મહિનામાં ધીમે-ધીમે માસ્કના નિયમનું ઉલ્લંઘન કરવાના વધુને વધુ કેસ નોંધવા લાગી હતી. તે મહિનામાં પોલીસે પ્રતિ દિન સરેરાશ 600 જેટલા કેસ નોંધ્યા હતા.

એપ્રિલ મહિનામાં કોવિડ સંક્રમણના કેસ વધતાં માસ્કના નિયમના ઉલ્લંઘનના કેસ પણ તે જ ગતીએ વધ્યા હતા. પહેલી એપ્રિલે, શહેર પોલીસે 772 કેસ નોંધ્યા હતા જે 31 એપ્રિલે વધીને 2,050 થઈ ગયા હતા. એપ્રિલમાં, શહેરમાં પોલીસે સરેરાશ 2 હજાર જેટલા માસ્ક ઉલ્લંઘનના કેસ નોંધ્યા હતા. આ જ મહિનામાં કોવિડ કેસ પણ પીક પર હતા.

આજથી મોટાભાગના મંદિરોના દ્વાર ભક્તો માટે ખુલશે, સોમનાથમાં દર્શન માટે પાસ સિસ્ટમ
25મી એપ્રિલે, શહેરમાં કોવિડ-19ના સૌથી વધુ 5,790 કેસ નોંધાયા હતા અને પોલીસે માસ્ક ઉલ્લંઘનના 2,278 ગુના નોંધ્યા હતા. શહેર પોલીસ કર્મચારીઓએ મે અન જૂન મહિનામાં સરેરાશ 2 હજાર કેસ નોંધવાનું ચાલું રાખ્યું હતું. પોલીસ અધિકારીઓએ જણાવ્યું હતું કે, તેમને હવે ત્રીજી લહેરની આશંકા છે અને તેઓ માસ્ક વગર રખડતા લોકો પર કાર્યવાહી ચાલુ રાખશે.

પીસીઆર વાન પર તૈનાત એક પોલીસકર્મીએ જણાવ્યું હતું કે, સામાન્ય રીતે લોકો જ્યારે કોઈને મળે ત્યારે માસ્ક કાઢી નાખે છે. તેથી તેવું લાગે છે કે તેઓ પોતાને કોરોના વાયરસથી નહીં પરંતુ પોલીસથી બચવા માટે માસ્ક પહેરે છે.

જબલપુરના ખેડૂતે ઉગાડી દુનિયાની સૌથી મોંઘી કેરી, જેને છાલ સાથે જ ખાઈ શકાય છે

Share This :