June 22, 2021

ખૂબ જ ખાસ દીકરા અને દીકરી માટેના નામનું આ લિસ્ટ, જોતાં જ ગમી જશે!

ખૂબ જ ખાસ દીકરા અને દીકરી માટેના નામનું આ લિસ્ટ, જોતાં જ ગમી જશે!

Share This :
ખૂબ જ ખાસ દીકરા અને દીકરી માટેના નામનું આ લિસ્ટ, જોતાં જ ગમી જશે!

હાઈલાઈટ્સ:

  • દેવી-દેવતાના નામ પરથી બાળકોનું નામ પાડવાનું પસંદ કરે છે કપલ્સ.
  • દીકરી માટે રોશની અર્થ ધરાવતા યૂનિક નામ આ લિસ્ટમાં મળી રહેશે.
  • કાર્તિકેય ભગવાનના નામ પરથી પણ દીકરાને નામ આપી શકો છો.

ભગવાન શિવ અને દેવી પાર્વતીના પુત્ર કાર્તિકેયજીને દક્ષિણ ભારતમાં ખૂબ પૂજવામાં આવે છે. ભગવાન કાર્તિકેય યુદ્ધ અને વિજયના દેવતા છે અને અલગ-અલગ સ્થળોએ તેમને અલગ અલગ નામથી જાણવામાં આવે છે. ઘણાં લોકોને દેવી-દેવતાના નામ પરથી પોતાના સંતાનોનું નામ રાખવું ગમે છે. ત્યારે ભગવાન કાર્તિકેયના પણ એવા નામ છે જે તમે તમારા બાળકને આપી શકો છો. આ સાથે જ આર્ટિકલમાં દીકરીઓ માટેના એવા નામ પણ જણાવીશું જેનો અર્થ રોશની થાય છે.

ભગવાન કાર્તિકેયના નામ પરથી દીકરાના નામ

પ્રવર: આ નામનો અર્થ શ્રેષ્ઠ અને સર્વોપરી થાય છે. જો તમારા દીકરાનું નામ પ અક્ષરથી શરૂ થતું હોય તો પ્રવર નામ પાડી શકો છો.

અમેય: આ નામ એવા વ્યક્તિ માટે વપરાય છે જેને જીવનમાં અપાર પ્રેમ મળે છે. આ નામ ભગવાન કાર્તિકેયના સર્વોચ્ચ વૈભવનું પ્રતિક છે.

અનીશ: નિંદ્રાહીન પ્રાણીને અનીશ કહે છે. મતલબ કે જે હંમેશા જાગૃત રહેતું હોય અને જેને ઊંઘ ના આવતી હોય તે.

વેદવ: આ નામ સંસ્કૃત ભાષામાંથી લેવાયું છે અને તેનો અર્થ થાય છે કે જેને વેદનું જ્ઞાન હોય. બુદ્ધિમાન અને ચતુર વ્યક્તિને પણ વેદવ કહેવાય છે.

અરિન્દમ: આ એક લોકપ્રિય હિંદુ નામ છે જે કોઈપણ વિજય અથવા ઉપલબ્ધિને દર્શાવે છે. આ નામનો અર્થ થાય છે વિજય અથવા શત્રુનો નાશ કરવો.

મયિલ: આ નામનો અર્થ થાય છે મોરની જેમ સુંદર. ભગવાન કાર્તિકેયનું વાહન મોર છે અને મયિલ તેનું જ પ્રતિક છે.

પ્રભવ: આ નામનો અર્થ પ્રભાવશાળી અથવા પ્રભાવી થાય છે. દીકરાને ભગવાન કાર્તિકેયનું આ નામ આપીને પ્રભાવશાળી બનવાનો ગુણ આપી શકો છો.

પરમ: આ નામનો અર્થ થાય છે અદ્વિતિય, સર્વશ્રેષ્ઠ અથવા સર્વોચ્ચ. તમે દીકરાનું નામ પરમ પાડી શકો છો.

બાળકને આપવા માગો છો આધ્યાત્મિક નામ? આ લિસ્ટ પસંદગીમાં કરી શકે છે મદદ

કાર્તિકેયન: આ ભગવાન મુરુગન અર્થાત કાર્તિકેયજીનું સૌથી લોકપ્રિય નામ છે. આ નામનો અર્થ કૃતિકા નક્ષત્રમાંથી એક થાય છે.

મુરુકન: દક્ષિણ ભારતમાં કાર્તિકેય ભગવાનને મુરુગન નામે ઓળખાય છે. તેમનું એક નામ મુરુકન પણ છે. આ નામનો અર્થ થાય છે યુદ્ધના દેવતા.

સેંધિલ: ભગવાન મુરુગનથી પ્રેરિત આ નામનો અર્થ થાય છે દુર્જેય, શક્તિશાળી, બળશાળી.

સ્કંદેય: આ નામનો અર્થ થાય છે શક્તિશાળી શત્રુઓ પર વિજય મેળવનાર. આ પણ ભગવાન મુરુગનનું જ બીજું નામ છે.

દીકરીઓ માટે રોશની અર્થ ધરાવતા નામ

અલીના: આ નામને તમે વિદેશી કહી શકો છો પરંતુ ભારતમાં આ નામ ખૂબ પસંદ કરવામાં આવે છે. અલીનાનો અર્થ થાય છે ઉજ્જવળ, ચમકદાર અને હળવું.

નાહરા: આ એક અરબી નામ છે જેનો અર્થ પ્રકાશ અને રોશની થાય છે. આ યૂનિક નામ છે.

દીકરા માટે સ્ટાઈલિશ છતાં અર્થપૂર્ણ નામ શોધી રહ્યા છો? આ રહ્યું લિસ્ટ

નૂર: આ નામ પણ અરબી ભાષામાંથી લેવામાં આવ્યું છે. નૂરનો અર્થ થાય છે રોશની અને પ્રકાશ.

દીતિ: આ પણ યૂનિક નામ છે જેનો અર્થ ચમક, રોશની, સુંદરતા થાય છે. ઋષિ કશ્યપની પુત્રનીનું નામ દીતિ હતું.

માયરા: આ નામનો અર્થ પણ તેજ, પ્રકાશ, શાંત ગીત, મધ, દિવ્ય, કિંમતી અને સરાહનીય થાય છે.

દિયા: આ ખૂબ સુંદર નામ છે. આ નામનો અર્થ પણ દીપક, દિવ્ય અને રોશની થાય છે.

Share This :