March 3, 2021

Live Breaking News Coverage & Updates Website IN Gujarati Language

Live Breaking News Coverage & Updates Website IN Gujarati Language

ગજબ! લોકડાઉનમાં થયા લગ્ન, પતિએ સાસરિયાઓને કહ્યું- ‘ખર્ચ ઓછો થયો, હવે બુલેટ આપો’

Share This :

ગ્રેટર નોઇડા/ગાઝિયાબાદ: યુપીના ગાઝિયાબાદમાં દહેજ ઉત્પીડનનો કેસ સામે આવ્યો છે. લોકડાઉનને કારણે લગ્નમાં પૈસા ઓછા ખર્ચ થયા હોવાથી પતિએ તેના સાસરિયાઓ પાસેથી બુલેટની માંગ કરી હતી. ડિમાન્ડ પૂરી ન થવાને કારણે પત્ની સાથે મારઝુડ પણ કરી હતી. હવે કોર્ટના આદેશથી મહિલા પોલીસ સ્ટેશનમાં પતિ સહિત 6 સામે ફરિયાદ નોંધવામાં આવી છે.

મળતી માહિતી પ્રમાણે ગાઝિયાબાદના એક વ્યક્તિના લગ્ન લોકડાઉનમાં થયા હતા. પ્રોટોકોલને કારણે, કાર્યક્રમમાં ઓછા મહેમાનો હાજર રહ્યા હતા. જેથી ખર્ચ પણ ઓછો થયો હતો. બસ આ વાતને લઈને પતિએ બુલેટની માંગ શરૂ કરી હતી. જ્યારે મહિલાએ વિરોધ કર્યો ત્યારે તેને માર મારવામાં આવ્યો હતો.

પતિ સહિત 6 સામે કેસ
પીડિતાએ પોલીસ સ્ટેશનમાં ફરિયાદ કરી હતી, પરંતુ કોઈ કાર્યવાહી કરવામાં આવી ન હતી. જ્યારે સાસુ-સસરાને આ વાતની જાણ થઈ તો તેઓએ મહિલાના ભાઈઓને જાનથી મારી નાખવાની ધમકી આપવાનું શરૂ કરી દીધું હતું. હવે કોર્ટના આદેશથી મહિલા પોલીસ સ્ટેશનમાં પતિ સહિત 6 સામે ફરિયાદ નોંધવામાં આવી છે.

ગ્રેટર નોઈડામાં પણ દહેજની ઘટના
તેવી જ રીતે, ગ્રેટર નોઇડાના સિગ્મા સેક્ટરમાં દહેજ માટે એક પરિણીત મહિલાની હત્યા કરવાનો સાસરિયાઓ પર આરોપ છે. પરિવારની ફરિયાદના આધારે બીટા -2 કોતવાલી પોલીસે તેના પતિ સહિત ચાર લોકો પર દહેજ અને હત્યાનો ગુનો નોંધ્યો છે. તે જ સમયે, પરિવારોએ નોઈડા પોલીસના ટ્વિટર હેન્ડલ પર પણ ફરિયાદ કરી હતી. પોલીસે કાર્યવાહી કરી પરિણીત મહિલાના પતિની ધરપકડ કરી છે.

સાસરિયાઓએ આપઘાત જણાવ્યું હતું
સંભલમાં રહેતા એક વ્યક્તિએ ચાર વર્ષ પહેલા પુત્રી રજનીના લગ્ન ગ્રેનોના સિગ્મા સેક્ટરમાં રહેતા રુપેન્દ્ર કુમાર સાથે કરાવ્યા હતા. રુપેન્દ્ર ગ્રેટર નોઈડાની એક કંપનીમાં નોકરી કરે છે. રજની રવિવારે સવારે રૂમમાં લટકતી હાલતમાં જોવા મળી હતી. સાસરિયાઓએ જણાવ્યું કે પરિણીત મહિલાએ ફાંસી લગાવીને આત્મહત્યા કરી હતી. પોલીસે રજનીના પિતાને આ કેસની જાણકારી આપી હતી.

સાસરિયાઓ બાઇક અને બે લાખ રૂપિયા માંગતા હતા
પરિણિતાના પિતાએ રુપેન્દ્ર સહિત ત્રણ અન્ય સાસરીયાઓ પર દહેજની માંગ અને માંગણી પૂરી ન થતાં રજનીની હત્યા કરવાનો આરોપ લગાવ્યો હતો. એવો આરોપ છે કે, સાસરીયાઓ બાઇક અને બે લાખ રૂપિયા માંગી રહ્યા હતા. બીટા -2 પોલીસ સ્ટેશનના ઇન્ચાર્જ સુજીત ઉપાધ્યાયે જણાવ્યું હતું કે, પરિવારની ફરિયાદના આધારે પતિ સહિત ચાર લોકો પર દહેજ અને હત્યાનો કેસ નોંધવામાં આવ્યો છે. પોલીસે સોમવારે પરિણીત મહિલાના પતિ રુપેન્દ્રની ધરપકડ કરી હતી.

Share This :