June 22, 2021

ગુરુ ચાલશે વક્રી ચાલ, પાંચ રાશિઓના જીવનમાં લાવશે મુશ્કેલીભર્યો સમય

ગુરુ ચાલશે વક્રી ચાલ, પાંચ રાશિઓના જીવનમાં લાવશે મુશ્કેલીભર્યો સમય

Share This :
ગુરુ ચાલશે વક્રી ચાલ, પાંચ રાશિઓના જીવનમાં લાવશે મુશ્કેલીભર્યો સમય

હાઈલાઈટ્સ:

  • ધન, સંપન્નતા, જ્ઞાન અને વિવેકના કારણ ગણાય છે ગુરુ.
  • ગુરુ કુંભ રાશિમાં સપ્ટેમ્બરના મધ્ય સુધી વક્રી સ્થિતિમાં રહેશે.
  • પાંચ રાશિ પર ગુરુની વક્રી ચાલની પ્રતિકૂળ અસર જોવા મળશે.

ધન, સંપન્નતા, જ્ઞાન અને વિવેકના કર્તા ગણાતા ગુરુ 20 જૂન 2021ના રોજ કુંભ રાશિમાં વક્રી ચાલથી ગોચર કરવા જઈ રહ્યા છે. જ્યોતિષશાસ્ત્રમાં ગુરુની ચાલનું ખૂબ મહત્વ છે. ગુરુની ચાલનો બારેય રાશિ પર અલગ અલગ પ્રભાવ પડે છે. ગુરુ કુંભ રાશિમાં સપ્ટેમ્બરના મધ્ય સુધી વક્રી સ્થિતિમાં રહેશે, એવામાં પાંચ રાશિ પર ગુરુની વક્રી ચાલની પ્રતિકૂળ અસર જોવા મળશે. જાણી લો ગુરુની વક્રી ચાલની પ્રતિકૂળ અસર કઈ કઈ રાશિ પર થવાની છે.

જૂન માસિક રાશિફળઃ 5 ગ્રહોની સ્થિતિમાં ફેરફાર, તમારી રાશિ પર કેવી અસર થશે?

મેષ

જ્ઞાનના ગ્રહ કહેવાતા ગુરુ મેષ રાશિના અગિયારમાં ભાવમાં વક્રી ગતિ કરશે. આ લાભનો ભાવ માનવામાં આવે છે અને આ ભાવમાં ગુરુ વક્રી થવાથી લાભ મેળવવામાં મુશ્કેલીઓનો સામનો કરવો પડી શકે છે. આ સમયે તમારે રોકાણ કરતી વખતે ખાસ સાવધાની રાખવી. બીજી તરફ લેવડદેવડ કરવાથી પણ આ રાશિના જાતકોએ બચવું જોઈએ. હાલ ઉપાય તરીકે ગુરુવારે પીળા વસ્ત્ર પહેરવા.

મિથુન

તમારી રાશિના નવમા ભાવમાં ગુરુની વક્રી ગતિ જોવા મળશે. આ ધર્મ, આધ્યાત્મ અને ભાગ્યનો ભાવ છે. માટે જ તમારે આ દરમિયાન શુભ ફળ મેળવવા ઘણી મહેનત કરવી પડશે. પિતા સાથે સંવાદ કરતી વખતે શબ્દોની સમજી-વિચારીને પસંદગી કરવી નહીં તો મતભેદો થઈ શકે છે. આ દરમિયાન ઉપાય તરીકે તમારા ગુરુજનનો આદર કરવો અને પિતાની સેવા કરવી.

માસિક આર્થિક રાશિફળ: જૂનમાં 5 રાશિના જાતકોને ખર્ચા વધારે રહેશે

સિંહ

તમારી રાશિના સાતમા ભાવમાં ગુરુ ગ્રહ વક્રી થવાના કારણે દાંપત્ય જીવનમાં પરેશાનીઓનો સામનો કરવો પડી શકે છે. ગુરુને વૈવાહિક જીવન માટે પણ જવાબદાર માનવામાં આવે છે માટે તેમના વક્રી થવા પર જીવનસાથી સાથે મતભેદ થઈ શકે છે. આ દરમિયાન તમારી લાગણીઓ વિચારીને વ્યક્ત કરવી. સાથે જ ઉપાય તરીકે ગુરુવારે પીળી વસ્તુઓનું દાન કરી શકો છો.

ધન

ધન રાશિના સ્વામી ગુરુ છે એટલે જ વક્રી અવસ્થામાં હોવાથી આ રાશિના જાતકોને કેટલીક મુશ્કેલીઓ આવી શકે છે. આ દરમિયાન ધન રાશિના જાતકો સ્પષ્ટપણે પોતાની વાત કહેવામાં મુશ્કેલી અનુભવી શકે છે. સાહસ અને પરાક્રમની કમી આવશે. પારિવારિક જીવનમાં નાના ભાઈ-બહેન સાથે મતભેદો થઈ શકે છે. જીવનમાં હકારાત્મકતા લાવવા ધન રાશિના લોકોએ ગુરુવારે કેળાના વૃક્ષની પૂજા કરવી.

મીન

શુભ કાર્યો પર વધારે ખર્ચ થશે. કામ પૂરા થવામાં વિલંબ થશે, ઘરેલુ મુશ્કેલીઓનો સામનો કરવો પડશે. ધર્મ-કર્મમાં રૂચિ રાખવાથી તણાવ ઘટી શકે છે. શુભ કાર્યો દ્વારા યાત્રાનો યોગ પણ બનશે.

Share This :