April 11, 2021

Live Breaking News Coverage & Updates Website IN Gujarati Language

Live Breaking News Coverage & Updates Website IN Gujarati Language

જ્યારે ટીચરે પેન્ટની અંદર હાથ નાખ્યો હતો, ‘બબીતા’ની આપવીતી જાણીને ચોંકી જશો

Share This :

હાઈલાઈટ્સ:

  • એક્ટ્રેસ મુનમુન દત્તાએ પણ પોતાનો #MeToo અનુભવ શેર કર્યો હતો
  • તેની આ જૂની પોસ્ટ સોશિયલ મીડિયા પર વાયરલ થઈ રહી છે
  • આ પ્રકારના અનુભવમાંથી બહાર આવતા વર્ષો લાગી જાય છે

ટીવી શૉ ‘તારક મહેતા કા ઉલ્ટા ચશ્મા’થી જાણીતી બબીતા એટલે કે એક્ટ્રેસ મુનમુન દત્તાએ સોશિયલ મીડિયા પર એક ચોંકાવનારો ખુલાસો કર્યો છે. એક્ટ્રેસ મુનમુન દત્તાએ ઈન્સ્ટાગ્રામ પર કરેલી એક પોસ્ટમાં તેની સાથે થયેલી છેડતીનો ઉલ્લેખ કર્યો છે કે જેના કારણે તે એકદમ તૂટી ગઈ હતી.

વર્ષ 2018માં જ્યારે સમગ્ર દુનિયામાં #MeToo મૂવમેન્ટનો વંટોળ ચાલ્યો હતો ત્યારે એક્ટ્રેસ મુનમુન દત્તાએ પણ પોતાનો #MeToo અનુભવ શેર કર્યો હતો. હવે ફરી એકવખત તેની આ જૂની પોસ્ટ સોશિયલ મીડિયા પર વાયરલ થઈ રહી છે કે જેમાં તેણે ઘણાં ચોંકાવનારા ખુલાસા કર્યા હતા.

q3

આ પોસ્ટમાં એક્ટ્રેસ મુનમુન દત્તાએ લખ્યું હતું કે આવું કશું લખતા પહેલા મારી આંખોમાં આંસુ આવી ગયા, તે યાદોમાં પાછા જવું કે જ્યારે હું નાની હતી અને મારા પાડોશી અંકલ તેમજ તેમની શિકારી નજરથી ડરતી હતી. તે દરેક તકનો લાભ ઉઠાવતા મને જ્યાં-ત્યાં સ્પર્શ કરતા હતા અને ધમકી આપતા હતા કે આ વિશે કોઈને કહીશ નહીં. અથવા પછી મારાથી ઉંમરમાં ઘણો મોટો મારો કઝિન જે મને અલગ રીતે જોતો હતો. મારી ઉંમર જ્યારે 13 વર્ષની થઈ ત્યારે તેને એવું લાગ્યું કે મારું બૉડી સ્પર્શ કરવાને યોગ્ય છે. કારણકે ત્યારે હું ટીનેજર છોકરી હતી અને મારા શરીરમાં ઘણાં ફેરફાર થઈ રહ્યા હતા.

‘બબીતા’ ઉર્ફે એક્ટ્રેસ મુનમુન દત્તાએ તેની આ પોસ્ટમાં આગળ લખ્યું કે મારા ટ્યુશન ટીચર જેનો હાથ મારા અંડરપેન્ટ્સમાં હતો અથવા પછી તે ટીચર જેને હું રાખડી બાંધતી હતી તે મારા ક્લાસની અન્ય છોકરીઓને ધમકાવતો હતો અને છોકરીઓની બ્રા સ્ટ્રીપ ખેંચીને અથવા તેઓની છાતી પર હાથ મારતો હતો. નહીં તો પછી ટ્રેનમાં તે વ્યક્તિ જે તમને પકડી લે છે…કેમ? કારણકે તમે બહુ યુવાન હોવ છો અને બોલતા ગભરાવો છો. તમને કોઈને પણ આ પ્રકારે વાત કરવામાં શરમ અનુભવાય છે. અહીંથી જ તમારી અંદર પુરુષો પ્રત્યેની નફરત શરૂ થાય છે. આ પ્રકારના અનુભવમાંથી બહાર આવતા વર્ષો લાગી જાય છે.

મુનમુન દત્તાએ આ પોસ્ટના અંતમાં લખ્યું કે પણ આજે હું તેવા કોઈ પણ પુરુષને ચીરી નાખીશ કે જેણે દૂરથી પણ મારી સાથે આવું કશું કરવાનો પ્રયાસ કર્યો છે. હું આજે જે કંઈ પણ છું તેના પર મને ગર્વ છે.

Share This :