April 11, 2021

Live Breaking News Coverage & Updates Website IN Gujarati Language

Live Breaking News Coverage & Updates Website IN Gujarati Language

નાની વયના કોરોનાથી સંક્રમિત દર્દીઓને થઈ રહ્યો છે ન્યુમોનિયા, ડોક્ટરોએ દર્શાવી ચિંતા

Share This :

હાઈલાઈટ્સ:

  • કોવિડ-19ના નાની વયના દર્દીઓને ન્યુમોનિયા થઈ રહ્યો હોવાના કેસમાં વધારો
  • એક અઠવાડિયામાં લગભગ 25% આવા દર્દીઓના ફેફસા ચેપથી અસરગ્રસ્ત થયા
  • પોઝિટિવ રિઝલ્ટ પછી 40 વર્ષથી ઓછી વયના દર્દીઓે ન્યુમોનિયા થઈ રહ્યો છે

નિમેષ ખાખરીયા, રાજકોટ/વડોદરા/અમદાવાદઃ જીવલેણ કોરોના વાયરસના નવા-નવા લક્ષણો સામે આવી રહ્યા છે, ત્યારે રાજકોટના ડોક્ટરોએ કોવિડ-19ના નાની વયના દર્દીઓને (40 વર્ષથી ઓછી ઉંમરના) ન્યુમોનિયા થઈ રહ્યો હોવાના કેસમાં વધારો જોયો છે.

પલ્મોનોલોજિસ્ટ કે જેમની સાથે અમારા સહયોગી ટાઈમ્સ ઓફ ઈન્ડિયાએ વાતચીત કરી હતી, તેમણે જણાવ્યું હતું કે આ ચિંતાજનક વલણ છે અને છેલ્લા એક અઠવાડિયામાં લગભગ 25% આવા દર્દીઓના ફેફસા ચેપથી અસરગ્રસ્ત થયા છે.

ડો. મિલન ભંડેરી નામના પલ્મોનોલોજિસ્ટે કહ્યું હતું કે, ‘અગાઉ, યુવાન દર્દીઓમાં કોવિડ-19ના લક્ષણો ખૂબ ગંભીર નહોતા. પરંતુ પોઝિટિવ રિઝલ્ટ પછી 40 વર્ષથી ઓછી વયના દર્દીઓે ન્યુમોનિયા થઈ રહ્યો હોવાનું જોઈને મને પણ આઘાત લાગ્યો છે. ઘણા કેસોમાં સંક્રમિત થયાના થોડા દિવસો સુધી દર્દીઓ એસિમ્પ્ટોમેટિક હોય છે, પરંતુ બાદમાં શ્વાસમાં તકલીફ થતાં હોસ્પિટલમાં દાખલ કરવા જરૂરી બની જાય છે’.

ડોક્ટરોના કહેવા પ્રમાણે, આ તેમની ગંભીરતાની આગાહીને વધારે મુશ્કેલ બનાવી રહ્યું છે અને આગળ જઈને વધુ સારવાર માટે તેમણે માત્ર બ્લડ રિપોર્ટ પર આધાર રાખવો પડશે. જો ડોક્ટરો બ્લડ રિપોર્ટ સામાન્ય આવ્યા બાદ દર્દીની સ્થિતિમાં સુધારો આવવાની રાહ જોઈ રહ્યા હોય તો, ફેફસાની સ્થિતિ સાથે CRP અને ડી-ડાયમર વચ્ચે સુમેળ ન હોવાના કારણે સ્થિતિ અચાનક બગડી શકે છે.

રાજકોટના પલ્મોનોલોજિસ્ટ ડો. તુષાર પટેલે જણાવ્યું હતું કે, ‘ન્યુમોનિયા બીમારીને લાંબા સમય સુધી વધારી શકે છે, ગંભીરતા વધારી શકે છે અને ડિસ્ચાર્જ બાદ પણ તેની અસરો દેખાઈ શકે છે. તે બદલાયેલા વાયરલ પ્રોફાઈલ અથવા વય જૂથના (25થી 60 વર્ષની ઉંમરના દર્દી) કારણે હોઈ શકે છે, જે સૌથી વધારે પ્રભાવિત થઈ રહ્યા છે’.

વડોદરાના એમડી ડો. નિરજ ચાવડાએ કહ્યું હતું કે, ‘આ સમયે CRP અને ડી-ડાયમર રોગની ગંભીરતા સાથે સંબંધ રાખતા નથી. સીટી સ્કેનમાં ફેફસાનો સમાવેશ પણ ક્લિનિકલ ચિત્ર સાથે સહ-સંબંધિત નથી. ઉપરોક્ત અહેવાનો આધારે આપણે બીમારીની ગંભીરતાને સંબંધિત કરી શકીએ છીએ. આ વર્ષે આપણે ઉપરની નિશાનીઓની ઓછી તીવ્રતાની સાથે વધુ ગંભીર દર્દીઓ જોઈ રહ્યા છીએ’.

ટેસ્ટનો અર્થ શું છે?
CPR-સી રિએક્ટિવ પ્રોટીન ટેસ્ટ લોહીમાં સીઆરપીની માત્રા બતાવે છે. લિવર દ્વારા બનાવવામાં આવેલું પ્રોટીન લોહીમાં અને બળતરાના જવાબમાં બહાર આવે છે. જેના કારણે અસરગ્રસ્ત ભાગમાં પીડા અથવા સોજો કરી શકે છે.

સામાન્ય શ્રેણીઃ પ્રતિ લિટરે 10 મિલિગ્રામ કરતાં ઓછું

ડી-ડાયમરઃ ફાઈબરિન પ્રોટીનના ડી-ટુકડાઓ ડી-ડાયમર તરીકે ઓળખાય છે. સામાન્ય રીતે, તે લોહીનું ગંઠાઈ જવું તરીકે જોઈ શકાય છે. તેના ઉ સ્તરથી લોહી ગંઠાઈ જાય છે.
સામાન્ય શ્રેણીઃ પ્રતિ લિટરે 250 માઈક્રોગ્રામ કરતાં ઓછું

Share This :