April 11, 2021

Live Breaking News Coverage & Updates Website IN Gujarati Language

Live Breaking News Coverage & Updates Website IN Gujarati Language

બધાને કોરોના વેક્સીન આપવાની મંજૂરી કેમ નથી અપાતી? આજે સરકારે જણાવ્યું કારણ

Share This :

હાઈલાઈટ્સ:

  • કોરોનાની સ્થિતિને લઈને આરોગ્ય મંત્રાલયે કરી પ્રેસ કોન્ફરન્સ.
  • આરોગ્ય મંત્રાલયે જણાવ્યું કે બધાને કોરોના વેક્સીન આપવાની મંજૂરી કેમ નથી અપાતી.
  • મહારાષ્ટ, પંજાબ અને છત્તીસગઢમાં કેન્દ્રે મોકલી હાઈ લેવલ ટીમો.

નવી દિલ્હી: દેશમાં ફરી એકવખત કોરોનાની લહેર વચ્ચે બધાને વેક્સીન આપવાની રાજ્યોની માંગ પર આરોગ્ય મંત્રાલયનો જવાબ આવ્યો છે. આરોગ્ય મંત્રાલયે કહ્યું કે, વેક્સિનેશન અભિયાનો ઉદ્દેશ્ય એવા લોકોને રસી પૂરી પાડવાનો છે, જેને તેની જરૂર છે. બધા દેશ આવું જ કરી રહ્યા છે.

મંગળવારે કોરોનાને લઈને પ્રેમ કોન્ફરન્સ દરમિયાન કેન્દ્રિય આરોગ્ય સચિવ રાજેશ ભૂષણે કહ્યું કે, ‘ઘણા લોકો પૂછે છે કે, વેક્સિનેશન બધા માટે કેમ શરૂ નથી કરાતું? આવા વેક્સિનેશન અભિયાનના બે લક્ષ્ય હોય છે- મોતોને રોકવા અને હેલ્થકેયર સિસ્ટમને બચાવવી. તેનો ઉદ્દેશ્ય એવા લોકોને વેક્સીન આપવાનો નથી, જે વેક્સીને લેવા ઈચ્છે છે, પરંતુ એવા લોકોને વેક્સીન આપવાનો છે, જેને તેની જરૂર છે.’

આરોગ્ય સચિવે કહ્યું કે, ‘દુનિયાના અન્ય દેશોમાં પણ કોરોના વેક્સિનેશનનો ઉદ્દેશ્ય આ જ છે. મોટા દેશોમાં પણ બધાને રસી આપવામાં નથી આવી રહી. કોઈ દેશે યોજના વિના, વૈજ્ઞાનિક આધાર વિના જોશમાં નથી કહ્યું કે, અમે દરેકને વેક્સીન આપવા જઈ રહ્યા છીએ. અમેરિકા હોય, બ્રિટન હોય, ફ્રાંસ હોય, સ્વીડન હોય કે ઓસ્ટ્રેલિયા, બધી જગ્યાએ અલગ-અલગ ઉંમરના લોકોને તબક્કાવાર રીતે રસી આપવામાં આવી રહી છે.’

ભૂષણે કહ્યું કે, દેશમાં કેટલાક રાજ્યોમાં વેક્સિનેશનનું કામ સારું થઈ રહ્યું છે. તેમણે કહ્યું કે, મહારાષ્ટ્રમાં 81 લાખ લોકોને પહેલો ડોઝ અપાઈ ચૂક્યો છે, ગુજરાતમાં 76 લાખથી વધુ લોકોને પહેલો ડોઝ અપાઈ ચૂક્યો છે. રાજસ્થાનમાં પણ 72 લાખ લોકોને અને ઉત્તર પ્રદેશમાં 71 લાખ લોકોને પહેલો ડોઝ અપાઈ ચૂક્યો છે.

આ પહેલા આરોગ્ય મંત્રાલયે જાણકારી આપી હતી કે, કોરોનાના સૌથી વધુ એક્ટિવ મામલાવાળા 10 જિલ્લામાંથી 7 મહારાષ્ટ્રના, 1 કર્ણાટક, 1 છત્તીસગઢ અને 1 દિલ્લીનો જિલ્લો છે. આરોગ્ય સચિવે કહ્યું કે, પંજાબ અને છત્તીસગઢમાં કોરોનાથી થઈ રહેલા મોતો ચિંતાનજક છે. આરોગ્ય સચિવે વધુમાં કહ્યું કે, દેશમાં કોરોનાના કુલ એક્ટિવ કેસોના 58 ટકા એકલા મહારાષ્ટ્રમાં છે, જ્યારે કે, અત્યાર સુધીના કુલ મોતોના 34 ટકા મહારાષ્ટ્રમાં નોંધાયા છે.

મંત્રાલયે જણાવ્યું કે, છેલ્લા કેટલાક સપ્તાહોમાં રાજ્યોને આરટી-પીસીઆર ટેસ્ટ વધારવા કહેવાયું છે. રાજ્યોને અપીલ કરાઈ છે કે કુલ ટેસ્ટના 70 ટકાથી વધુ આરટી-પીસીઆરથી કરે. આરોગ્ય મંત્રાલય મુજબ, મહારાષ્ટ્ર, છત્તીસગઢ અને પંજાબમાં 15 હાઈલેવલ ટીમો મૂકાઈ છે. આ ટીમો મહારાષ્ટ્રના 30, પંજાબના 9 અને છત્તીસગઢના 11 જિલ્લાનો પ્રવાસ કરશે. આ ટીમો રાજ્યોના આરોગ્ય વિભાગ, જિલ્લા વહીવટીતંત્ર વગેરેને કોરોના સાથે સંલગ્ન સર્વેલન્સ, કન્ટ્રોલ અને કન્ટેનમેન્ટમાં મદદ કરશે. દરરોજ આ ટીમો રાજ્ય સરકાર અને કેન્દ્ર સરકારને કોરોનાની સ્થિતિનો રિપોર્ટ આપશે.

Share This :