June 22, 2021

બિયર આપવા છેક મહારાષ્ટ્રથી અમદાવાદ આવેલી 4 યુવતીઓ 214 ટીન સાથે ઝડપાઈ

બિયર આપવા છેક મહારાષ્ટ્રથી અમદાવાદ આવેલી 4 યુવતીઓ 214 ટીન સાથે ઝડપાઈ

Share This :
બિયર આપવા છેક મહારાષ્ટ્રથી અમદાવાદ આવેલી 4 યુવતીઓ 214 ટીન સાથે ઝડપાઈ

હાઈલાઈટ્સ:

  • બાતમીના આધારે કૃષ્ણનગર પોલીસની ટીમે વૉચ ગોઠવી હતી
  • યુવતીઓના થેલામાંથી બિયરનો જથ્થો મળી આવ્યો હતો
  • કુબેરનગરમાં રહેતા બુટલેગરને બિયરનો આ જથ્થો આપવાની હતી

અમદાવાદ: શહેરના કૃષ્ણનગર વિસ્તારની પોલીસે કુલ 4 યુવતીઓને બિયરના 214 ટીન સાથે ઝડપી લીધી છે. શહેરના કૃષ્ણનગર પોલીસ સ્ટેશનના પીઆઈની ટીમને બાતમી મળી હતી કે નવા નરોડા વિસ્તારમાં આવેલી નવી કેનાલ પાસે મહારાષ્ટ્રની કેટલીક યુવતીઓ વિદેશી દારૂનો જથ્થો લઈને પસાર થવાની છે. બાતમીના આધારે કૃષ્ણનગર પોલીસની ટીમે વૉચ ગોઠવી હતી. જેમાં ત્યાંથી પસાર થઈ રહેલી 4 યુવતીઓની પોલીસે અટકાયત કરી હતી અને તેમના થેલાની તપાસ કરી હતી. પોલીસને તે યુવતીઓના થેલામાંથી બિયરનો જથ્થો મળી આવ્યો હતો.

q5

આ ચારેય યુવતીઓની પૂછપરછ કરતા પોલીસને જાણવા મળ્યું હતું કે તેઓ મહારાષ્ટ્રથી ટ્રેનમાં બેઠી હતી. મહારાષ્ટ્રની આ 4 યુવતીઓ શોર્ટકટથી રૂપિયા કમાવવા માટે દારૂની ખેપ મારતી હતી. ચારેય યુવતીઓ દારૂનો જથ્થો અલગ-અલગ બેગમાં મૂકીને ટ્રેનમાં અલગ-અલગ ડબ્બામાં બેસતી હતી. આ યુવતીઓ અમદાવાદના કુબેરનગર વિસ્તારમાં રહેતા બુટલેગરને બિયરનો આ જથ્થો આપવાની હતી.
ખોડીયાર આશ્રમના મહંતની કામલીલાના વિડીયોમાં દેખાતી યુવતીનો ચોંકાવનારો ધડાકો
કૃષ્ણનગર પોલીસે મહારાષ્ટ્રની લક્ષ્મી માછરે, પૂર્ણિમા ભાટ, પૂજા તમાઉચીકર અને સુનિતા ટીડેગેની બિયરના 214 ટીન સાથે ધરપકડ કરી છે. મળતી માહિતી મુજબ, ચારેય યુવતીઓ દારૂનો જથ્થો અલગ-અલગ બેગમાં મુકીને ટ્રેનમાં બેસી જતી હતી. ટ્રેનમાં મુસાફરી દરમિયાન ચારેય યુવતીઓ એકબીજા સાથે વાતચીત પણ કરતી નહોતી. અમદાવાદ આવે એટલે આ યુવતીઓ રિક્ષામાં એકસાથે બેસી જતી હતી. ચારેય યુવતીઓએ અગાઉ પણ અમદાવાદમાં દારૂની ખેપ મારી હોવાનું સામે આવ્યું છે. હાલ તમામ વિરુદ્ધ ગુનો દાખલ કરીને તપાસ શરૂ કરી છે.

જબલપુરના ખેડૂતે ઉગાડી દુનિયાની સૌથી મોંઘી કેરી, જેને છાલ સાથે જ ખાઈ શકાય છે

Share This :