June 22, 2021

બે હજારથી વધુ નર્સની જગ્યાઓ તાત્કાલિક ધોરણે ભરવાનો રૂપાણી સરકારનો નિર્ણય

બે હજારથી વધુ નર્સની જગ્યાઓ તાત્કાલિક ધોરણે ભરવાનો રૂપાણી સરકારનો નિર્ણય

Share This :
બે હજારથી વધુ નર્સની જગ્યાઓ તાત્કાલિક ધોરણે ભરવાનો રૂપાણી સરકારનો નિર્ણય

હાઈલાઈટ્સ:

  • કોરોનાકાળમાં હોસ્પિટલમાં નર્સિંગ સ્ટાફ અને તબીબો રાત દિવસ કામ કરી રહ્યા છે
  • બીજી લહેરમાં ઘણા કર્મચારીઓ પણ સંક્રમિત થતા નર્સિંગ સ્ટાફની અછત વર્તાઈ હતી
  • રાજ્યમાં 2019 જેટલી હાલ ખાલી પડેલી નર્સિસની જગ્યાઓ સીધી ભરતીથી તાત્કાલિક ધોરણે ભરવામાં આવશે

ગાંધીનગરઃ કોરોના સંક્રમણને કારણે હોસ્પિટલમાં નર્સિંગ સ્ટાફ અને તબીબો રાત દિવસ કામ કરી રહ્યા છે. કોરોનાની બીજી લહેરમાં ઘણા કર્મચારીઓ પણ સંક્રમિત થતા નર્સિંગ સ્ટાફની અછત વર્તાઈ હતી. આ સ્થિતિને ધ્યાનમાં રાખીને મુખ્યમંત્રી વિજયભાઈ રૂપાણીના અધ્યક્ષસ્થાને મળેલી કોર કમિટીએ હાલ ખાલી પડેલી નર્સિસની જગ્યાઓ સીધી ભરતીથી તાત્કાલિક ધોરણે ભરવાનો નિર્ણય કર્યો છે.

ગુજરાતમાં આવતીકાલથી 3 દિવસ માટે 45થી વધુ વયના લોકોને વેક્સિન આપવાનું મોકૂફ
આ બેઠકમાં રાજ્યમાં પ્રવર્તમાન કોરોના સંક્રમણની સ્થિતિમાં આરોગ્ય સેવાઓમાં મહત્વપૂર્ણ માનવબળ વધુ સુદ્રઢ કરવાનો મહત્વપૂર્ણ નિર્ણય કર્યો છે.
કોર કમિટિના આ નિર્ણય અનુસાર રાજ્યમાં 2019 જેટલી હાલ ખાલી પડેલી નર્સિસની જગ્યાઓ સીધી ભરતીથી તાત્કાલિક ધોરણે ભરવાની પ્રક્રિયા આરોગ્ય વિભાગ હાથ ધરશે તેવો નિર્ણય કરવામાં આવ્યો છે.

રાજ્યમાં કોરોના સંક્રમિતોની સારવાર સહિત અન્ય આરોગ્યલક્ષી સેવાઓમાં મહત્વપૂર્ણ ફરજ નિભાવતી નર્સિસની આ ભરતીને પરિણામે રાજ્યમાં આરોગ્ય સેવાકર્મીઓમાં વધુ માનવબળ જોડાતાં દર્દીઓની સારવાર સેવામાં વધુ ગતિ આવશે.

ગુજરાતના ધોરણ-10ના વિદ્યાર્થીઓ માટે મોટો નિર્ણય, સરકાર આપશે માસ પ્રમોશન
આ કમિટીની બેઠકમાં શિક્ષણ મંત્રી ભૂપેન્દ્રસિંહ ચૂડાસમા, ઊર્જા મંત્રી સૌરભભાઈ પટેલ, ગૃહ-રાજ્ય મંત્રી પ્રદિપસિંહ જાડેજા, મુખ્ય સચિવ અનિલ મુકિમ, મુખ્યમંત્રીના મુખ્ય અગ્ર સચિવ કે. કૈલાસનાથન, અધિક મુખ્ય સચિવ પંકજકુમાર, એમ.કે.દાસ તેમજ આરોગ્ય અગ્ર સચિવ ડૉ. જયંતિ રવી અને વરિષ્ઠ સચિવો આ બેઠકમાં ઉપસ્થિત રહ્યા હતા.

Share This :