June 22, 2021

ભાજપને વર્ષ 2019-20માં મળ્યું સૌથી વધુ 785 કરોડ રુપિયાનું દાન, કોંગ્રેસની તુલનાએ પાંચ ગણુ વધારે

ભાજપને વર્ષ 2019-20માં મળ્યું સૌથી વધુ 785 કરોડ રુપિયાનું દાન, કોંગ્રેસની તુલનાએ પાંચ ગણુ વધારે

Share This :
ભાજપને વર્ષ 2019-20માં મળ્યું સૌથી વધુ 785 કરોડ રુપિયાનું દાન, કોંગ્રેસની તુલનાએ પાંચ ગણુ વધારે

નવી દિલ્હીઃ કેન્દ્રમાં સત્તાને આધિન ભાજપને વર્ષ 2019-20 દરમિયાન વ્યક્તિગત અને કંપનીઓ તરફથી દાન અને ઇલેક્ટોરલ ટ્રસ્ટ થકી કુલ 785 કરોડ રુપિયાનું દાન મળ્યું છે. જે મુખ્ય વિપક્ષ કોંગ્રેસને મળેલા દાન કરતાં પાંચ ગણુ વધારે છે. આ સમયગાળામાં કોંગ્રેસને કુલ 139 કરોડ રુપિયાનું દાન મળ્યું છે. ભાજપ સતત સાતમાં વર્ષે સૌથી વધુ દાન મેળવનાર પાર્ટી તરીકે ઉભરી આવી છે.
મહારાષ્ટ્રમાં ફરી બદલાશે રાજકીય સમીકરણો? શિવસેનાના સંજય રાઉતે કર્યા મોદીના વખાણ
ભાજપ દ્વારા ચૂંટણી આયોગ સમક્ષ દાનને લઇને ફેબ્રુઆરીમાં જમા કરાયેલા અહેવાલ અને આ અઠવાડિયે ચૂંટણી આયોગ તરફથી જાહેર કરાયેલી માહિતી મુજબ પાર્ટીને કુલ 785 કરોડ રુપિયા દાન પેટે મળ્યા છે. માહિતી મુજબ આ દાનમાં સૌથી વધુ ફાળો ઇલેક્ટોરલ ટ્ર્સ, ઉદ્યોગો અને પાર્ટીના નેતાઓનો છે. ભાજપને સૌથી વધુ દાન આપનારા એના નેતાઓમાં પીયુષ ગોયલ, પેમા ખાંડૂ, કિરણ ખેર અને રમન સિંહ સામેલ છે. આ સિવાય આઇટીસી, કલ્યાણ જ્વેલર્સ, રેયર એન્ટરપ્રાઇઝ, અંબુજા સિમેન્ટ, લોઢા ડેવલપર્સ અને મોતીલાલ ઓસવાલ જેવા ઉદ્યોગ સામેલ છે જેમણે ભાજપમાં બે હાથ દાન કર્યું છે.
પહેલા સિંધિયા અને હવે જિતિન પણ ખસકી ગયા, રાહુલની ‘ચોકડી’માં બચ્યા બસ બે નામ
જ્યારે મુખ્ય વિપક્ષ દળ કોંગ્રેસ તરફથી ચૂંટણી આયોગમાં અપાયેલી દાન અંગેની માહિતી મુજબ પાર્ટીને કુલ 139 કરોડ રુપિયા દાનમાં મળ્યા. જ્યારે ટીએમીને આઠ કરોડ રુપિયા, સીપીઆઇને 1.3 કરોડ રુપિયા અને સીપીએમને 19.7 કરોડ રુપિયા દાન પેટે મળ્યા છે.
ભાજપ માટે ચિંતાનો વિષય: સુરતમાં બે દિવસમાં 300 કાર્યકરો ‘આપ’માં જોડાયા
આ રિપોર્ટમાં 20 હજારથી વધુ દાન મેળવનારની માહિતી આપવામાં આવી છે. કોરોના મહામારીને લીધે ચૂંટણી આયોગે વર્ષ 2019-20 માટે વાર્ષિક ઓડિટ રિપોર્ટ જમા કરાવવાની અંતિમ તારીખ લંબાવીને 30 જૂન કરી છે.

Share This :