April 11, 2021

Live Breaking News Coverage & Updates Website IN Gujarati Language

Live Breaking News Coverage & Updates Website IN Gujarati Language

મહારાષ્ટ્રઃ દર પાંચ મિનિટે એક મોત, 24 કલાકમાં 297 મોત અને 55 હજારથી વધુ કેસ

Share This :

હાઈલાઈટ્સ:

  • વિતેલા 24 કલાકમાં 55,469 નવા કેસ સામે
  • એક જ દિવસમાં કોરોનાએ 297 લોકોનો ભોગ લીધો
  • આખુ મહારાષ્ટ્ર ફરી એક વાર પ્રતિબંધોને આધિન પરંતુ કેસ સતત વધી રહ્યા છે

નવી દિલ્હીઃ ગુજરાતના પડોસી રાજ્ય મહારાષ્ટ્ર પર કોરોનાએ કાળો કહેર વર્તાવ્યો છે. વિતેલા દિવસોમાં વિકેન્ડ લોકડાઉન, રાત્રિ કર્ફ્યુ સહિતના અનેક પ્રતિબંધો લગાવ્યા છતાં પણ રાજ્યમાં કોરોના સંક્રમણના કેસ સતત વધી જ રહ્યા છે. કોરોનાને લીધે અહીં મોતનો ખેલ ખેલાઇ રહ્યો છે જેમાં દર પાંચ મિનિટે એક મોત થાય છે, વિતેલા 24 કલાકમાં રાજ્યમાં કુલ 297 લોકોના મોત થયા જ્યારે 55 હજારથી વધુ નવા કેસ સામે આવ્યા છે.

મહારાષ્ટ્ર રાજ્યના આરોગ્ય વિભાગ મુજબ રાજ્યમાં વિતેલા 24 કલાકમાં 55,469 નવા કેસ સામે આવ્યા, આ દરમિયાન કોરોનાએ 297 દર્દીઓનો ભોગ લીધો હતો. આ સમયગાળામાં કુલ 34,256 દર્દીઓ રિકવર થયા હતા.

રાજ્ય સરકારના આંકડા મુજબ મહારાષ્ટ્રની રાજધાની મુંબઇમાં વિતેલા 24 કલાકમામં 10,030 નવા કેસ સામે આવ્યા, જ્યારે 31 લોકોના મોત થયા હતા. શહેરમાં કુલ કેસનો આંકડો વધીને 4,72,300ને પાર પહોંચી ગયો છે. લાંબા સમયના લોકડાઉન પછી અનલોક થયેલી મુંબઇ તેની ગતિ પકડી રહી હતી અને અચાનક વધેલા કેસને લીધે ધગધગતી મુંબઇ ફરી એકવાર થંભી ગઇ છે.

રાજ્યમાં કોરોનાની ગંભીર સ્થિતિને જોતાં મુખ્યમંત્રી ઠાકરેએ વિતેલા દિવસોમાં કેન્દ્ર સરકારને અપીલ કરી હતી કે, 25થી વધુ વયના તમામ લોકોને કોરોના રસી આપવાની મંજૂરી મળે. પીએમ મોદીને લખેલા પત્રમાં ઠાકરેએ માંગ મૂકી હતી કે મહારાષ્ટ્રમાં કોરોની રસીના 1.5કરોડથી વધુ ડોઝ આપવામાં આવે, જેનાથી રાજ્યના સૌથી વધુ પ્રભાવિત છ જિલ્લા મુંબઇ, પુણે, થાણે, નાસિક,ઔરંગાબાદ અને નાગપુરમાં 45થી વધુ વયના લોકોનું રસીકરણ આવરી લેવાય.

Share This :