April 11, 2021

Live Breaking News Coverage & Updates Website IN Gujarati Language

Live Breaking News Coverage & Updates Website IN Gujarati Language

મે મહિનામાં દીકરાના લગ્ન હોવાની વહેતી થયેલી વાતો પર વિજય રૂપાણીએ કરી સ્પષ્ટતા

Share This :

હાઈલાઈટ્સ:

  • કોરોનાના વધી રહેલા કેસ વચ્ચે ગઈ કાલે હાઈકોર્ટે લોકડાઉન લાગુ કરવા માટે ટીપ્પણી કરી હતી
  • આ દરમિયાન સીએમ રૂપાણીના પુત્રના લગ્ન અંગેના મેસેજ વાઈરલ થયા હતા
  • આ વાઈરલ થયેલા ખોટા મેસેજ અંગે મુખ્યમંત્રીએ જાતે જ સ્પષ્ટતા કરવી પડી

અમદાવાદ: રાજ્યમાં કોરોનાના કેસો ખૂબ ઝડપથી વધી રહ્યા છે, ત્યારે ગમે ત્યારે ફરીથી લોકડાઉન લગાવાશે તેવી જોરશોરથી ચર્ચા થઈ રહી હતી. જોકે, રાજ્ય સરકારે લોકડાઉન તો નથી લગાવ્યું પરંતુ, રાત્રિ કર્ફ્યૂ પર વધારે ભાર આપ્યો છે. પહેલા ચાર શહેરોમાં રાત્રિ કર્ફ્યૂ હતો તેના બદલે હવે 20 શહેરોમાં રાત્રિ કર્ફ્યૂ લગાવાયો છે. આમ, કોરોનાની સ્થિતિ વકરી રહી હોવા છતાં લોકડાઉનનો નિર્ણય ન લેવાતા એવી વાતો વહેતી થઈ હતી કે, મુખ્યમંત્રી વિજય રૂપાણીના દીકરાના મે મહિનામાં લગ્ન હોવાથી લોકડાઉનનો નિર્ણય નથી લેવાતો. જોકે, આ મામલે મુખ્યમંત્રી વિજય રૂપાણીએ હવે સ્પષ્ટતા કરી છે.

હાલ સોશિયલ મીડિયામાં એક મુદ્દો ખુબ ચર્ચાયેલો છે. જેમાં રાજ્યના મુખ્યમંત્રીના દિકરાના લગ્નને લઈ ચર્ચા ચાલી રહી છે. સોશિયલ મીડિયાના આ મેસેજ પર CM રૂપાણીએ સ્પષ્ટતા કરી દીધી છે. CM રૂપાણીએ કહ્યું, મારા દિકરાના મે મહિનામાં લગ્નની વાત પાયા વિહોણી છે. સોશિયલ મીડિયામાં ફરી રહેલા સમાચાર ખોટા છે. અત્યારે અમારૂ ધ્યાન માત્ર કોરોનાની કામગીરી પર છે.

સરકાર લોકડાઉન મામલે આનાકાની કરી રહી હોવાથી સોશિયલ મીડિયામાં રૂપાણીના દીકરા ઋષભના લગ્ન નહીં પતે ત્યાં સુધી ગુજરાતમાં લોકડાઉન નહીં આવેની અફવા ઘણા સમયથી સોશિયલ મીડિયામાં ચાલી રહી હતી.

Share This :