June 22, 2021

રાજકોટ: કાગદડી આશ્રમના મહંતની આત્મહત્યા કેસમાં મોટો ખુલાસો, કરાતા હતા બ્લેકમેલ

રાજકોટ: કાગદડી આશ્રમના મહંતની આત્મહત્યા કેસમાં મોટો ખુલાસો, કરાતા હતા બ્લેકમેલ

Share This :
રાજકોટ: કાગદડી આશ્રમના મહંતની આત્મહત્યા કેસમાં મોટો ખુલાસો, કરાતા હતા બ્લેકમેલ

હાઈલાઈટ્સ:

  • કાગદડી આશ્રમના મહંત જયરામદાસે આત્મહત્યા કર્યાનો થયો ખુલાસો.
  • મહિલા સાથેના વિડીયો ઉતારી તેમને બ્લેકમેલ કરાતા હોવાનુ બહાર આવ્યું.
  • મહંતના ભત્રીજા, જમાઈ અને આશ્રમમાં સેવા આપતા એક શખસ સામે નોંધાઈ ફરિયાદ.

રાજકોટ: રાજકોટ-મોરબી હાઈવે પર આવેલા કાગદડીના શ્રી ખોડિયારધામ આશ્રમના મહંત જયરામદાસ ગુરુ પ્રેમદાસને હાર્ટ એટેક આવ્યો હોવાનું જણાવી પોસ્ટમોર્ટમ કર્યા વિના એક સપ્તાહ પહેલા અંતિમ સંસ્કાર કરી દેવાયા હતા. જોકે, હવે આ મામલે એક મોટો ખુલાસો થયો છે. મહંતનું મોત કુદરતી ન હતું અને તેમણે આત્મહત્યા કરી હોવાનું ખૂલ્યું છે. એવી પણ વિગતો બહાર આવી છે કે, તેમને છેલ્લા કેટલાક સમયથી બ્લેકમેલ કરવામાં આવી રહ્યા હતા, જેથી તેમણે આત્મહત્યા કરી લીધી હતી.

જાણવા મળ્યા મુજબ, મહંતને તેમનો ભત્રીજો અલ્પેશ પ્રતાપ સોલંકી (રહે. પેઢાવાડા, તા. કોડીનાર), તેમનો જમાઈ હિતેષ લક્ષ્મણભાઈ જાદવ (રહે. પ્રશ્રાવાડા, તા. સુત્રાપાડા) અને આશ્રમની ગૌશાળામાં સેવા આપતા વિક્રમ દેવજીભાઈ સોહલા (રહે. ગાંધીગ્રામ) તેમને બ્લેકમેલ કરતા હતા. ગત 30મી મેએ મહંતે લખેલી 20 પાનાની સુસાઈડ નોટ લખી હતી અને તે પછી 1 જૂને આત્મહત્યા કરી લીધી હતી. આ સુસાઈડ નોટ પોલીસને હાથ લાગી છે. જેમાં મહંતે પોતાને બ્લેકમેલ કરવામાં આવતા હોવાની વાત લખી છે. જેના આધારે પોલીસે આ ત્રણે સામે મંદિરના ટ્રસ્ટી રામજીભાઈ લીંબાસીયાએ આ ત્રણે સામે ફરિયાદ નોંધાવી હતી. પોલીસે આ ત્રણેય જણા સામે આપઘાતની દુષ્પ્રેરણાનો ગુનો નોંધી વધુ તપાસ હાથ ધરી છે.
પત્ની 22 વર્ષના યુવકના પ્રેમમાં પડી હોવાની શંકા જતાં પતિએ જાહેરમાં જ કરી હત્યા
સુસાઈડ નોટ પરથી પોલીસને જાણવા મળ્યું છે કે, મહંત જયરામદાસના ભત્રીજાએ દોઢેક વર્ષ પહેલા મહંતના બે યુવતીઓ સાથે વિડીયો ઉતારી લીધા હતા. આ ઉપરાંત મહંતનો માફી માગતો વિડીયો ઉતાર્યો હતો. આવા કુલ 6 વિડીયોમાંથી 1 વિડીયો પોલીસને મળ્યો છે. જેના આધારે આ ત્રણેય જણા મહંતને બ્લેકમેલ કરતા હતા અને અત્યાર સુધીમાં કટકે-કટકે 20 લાખ રૂપિયા પડાવી લીધા હતા. એટલું જ નહીં, મહંતને અવાર-નવાર માર મારવામાં પણ આવતો હતો.

જાણવા મળ્યા મુજબ, જે યુવતીઓના વિડીયો બનાવી મહંતને બ્લેકમેલ કરાતા હતા તેમાંથી એક આશ્રમમાં જ સેવા આપતી હતી. હાલ પોલીસે આ બંને યુવતીઓને શોધવા પણ તજવીજ હાથ ધરી છે. તેમજ મહંતની જ્યાં અંતિમવિધિ કરાઈ હતી ત્યાંથી તેમના હાડકાં, રાખ અને માટી કબજે કરી ગાંધીનગર સ્થિત ફોરેન્સિક લેબોરેટરીમાં મોકલવાની કાર્યવાહી હાથ ધરી છે.
Rajkot: ‘તું બીજા ભાયડા કરે છે’ એમ કહી પતિએ ગુસ્સામાં નર્સ પત્નીના ગુપ્તભાગે લાત મારી
એવું પણ જણાવાઈ રહ્યું છે કે, મહંત કાયમ આશ્રમમમાં આવેલા નીચેના રૂમમાં સૂતા હતા. પરંતુ તે રૂમનું એસી બગડી ગયું હોવાથી છેલ્લા ત્રણ-ચાર દિવસથી આશ્રમનના ઉપરના માળે આવેલા રૂમમાં સૂવા જતા હતા. જ્યાં તેમણે આત્મહત્યા કરી લીધી હતી. તેમના મોત પછી આશ્રમના ટ્રસ્ટીઓ હિસાબ કરવા અને રૂમને વ્યવસ્થિત કરવા ગયા ત્યારે આ સુસાઈડ નોટ તેમને મળી આવી હતી.

Share This :