May 14, 2021

Live Breaking News Coverage & Updates Website IN Gujarati Language

Live Breaking News Coverage & Updates Website IN Gujarati Language

વડોદરામાં રેમડેસિવિરના કાળાબજાર કરતો ડોક્ટર ઝડપાયો

Share This :

હાઈલાઈટ્સ:

  • રાજકોટમાં રેમડેસિવિર ઈન્જેક્શનના કાળાબજારની વ્યાપક ફરિયાદો ઉઠી હતી.
  • વડોદરાના રાવપુરા અને પાણીગેટમાં પીસીબીએ ટ્રેપ ગોઠવી હતી.
  • એક આયુર્વેદિક ડોક્ટર અને તેનો કર્મચારી રેમડેસિવિર ઈન્જેક્શનના કાળાબજાર કરતા ઝડપાઈ ગયા.

અમદાવાદ: રાજ્યમાં કોરોનાનો બીજી લહેર વધુ ઘાતક બની છે. રાજ્યમાં રોજના કેસોની સંખ્યા પાંચ હજારને પાર કરી ગઈ છે, ત્યારે કેટલાક સ્વાર્થી લોકો આ સ્થિતિનો પોતાના ફાયદા માટે લાભ લઈ રહ્યા છે અને કોરોનાના ગંભીર દર્દીઓ માટે અતિ જરૂરી એવા રેમડેસિવિર ઈન્જેક્શનનોના કાળબજાર કરી રહ્યા છે. વડોદરામાંથી આવા જ એક ડોક્ટર અને તેના સ્ટાફના એક શખસની ધરપકડ કરવામાં આવી છે.

વડોદરામાં રેમડેસિવિર ઇન્જેક્શન વેચતો ડોક્ટર ઝડપાયો છે. PCBએ ડોકટર અને તેના સ્ટાફના એક શખસની ધરપકડ કરી છે. રેમડેસિવિર ઈન્જેક્શન બારોબાર વેચી મારતા હતાં. PCBએ શહેરના રાવપુરા અને પાણીગેટમાં ટ્રેપ ગોઠવી હતી. જેમાં આયુર્વેદિક ડોક્ટર અને સ્ટાફ રેમડેસિવિર ઈન્જેક્શનોના કાળાબજાર કરતા ઝડપાઈ ગયા હતા. બંનેની ધરપકડ કરી લેવામાં આવી છે.

રેમડેસિવિર ઈન્જેક્શનનો મોટો જથ્થો પણ જપ્ત કરાયો છે. રેમડેસિવિર ઈન્જેક્શન 7,500 રૂપિયાથી લઈને 9,000ના ભાવે વેચાતા હતાં. આરોપીઓ વિરુદ્વ ગુના દાખલ કરી કાર્યવાહી કરવામાં આવી છે. હજુ પણ કેટલાક મેડિકલ માફિયાના નામો ખુલે તેવી શકયતા છે.

અમદાવાદમાં ઝાયડસની બહાર રેમડેસિવીર માટે 2 કિલોમીટર લાંબી લાઈન

જણાવી દઈએ કે, હજુ શનિવારે જ એક સામાજિક સંસ્થા દ્વારા પર્દાફાશ કરાયો હતો કે, ઝાયડસ કેડિલા કંપનીના એક્સપાયરી ડેટના રેમડેસિવિર ઈન્જેક્શનોની બોટલ ઉપર નવી ડેટના સ્ટીકર લગાવી વડોદરા સહિત ગુજરાત અને દેશમાં વેચવાનું વ્યવસ્થિત કૌભાંડ ચાલી રહ્યું છે. ટીમ રિવેલ્યુએશન સંસ્થા દ્વારા મૂકાયેલા આક્ષેપમાં કહેવાયું હતું કે, 2020માં બનાવેલા રેમડેસિવિરની કિંમત રૂપિયા 2800 હતી, તે ઈન્જેક્શનો રૂપિયા 899ના સ્ટીકર લગાવી વેચવામાં આવી રહ્યા છે.

Share This :