June 22, 2021

વિકેટ ના મળતા રોષે ભરાયો સાકિબઃ સ્ટમ્પને લાત મારી, અમ્પાયર સાથે કરી ઉદ્ધતાઈ

વિકેટ ના મળતા રોષે ભરાયો સાકિબઃ સ્ટમ્પને લાત મારી, અમ્પાયર સાથે કરી ઉદ્ધતાઈ

Share This :
વિકેટ ના મળતા રોષે ભરાયો સાકિબઃ સ્ટમ્પને લાત મારી, અમ્પાયર સાથે કરી ઉદ્ધતાઈ

હાઈલાઈટ્સ:

  • ઢાકા પ્રીમિયર લીગમાં મોહમ્મદન સ્પોર્ટિંગ ટીમ માટે રમતા સાકિબે કર્યું ગેરવર્તન
  • અમ્પાયરે વિકેટની અપીલ ફગાવી દેતા સાકિબે સ્ટમ્પને લાત મારી હતી
  • ક્રિકેટપ્રેમીઓએ સાકિબ અલ હસન પર પ્રતિબંધની માંગણી કરી, સાકિબે બાદમાં માફી માંગી હતી

ઢાકાઃ બાંગ્લાદેશમાં રમાઈ રહેલી ઢાકા પ્રીમિયર લીગમાં દિગ્ગજ ઓલ-રાઉન્ડર સાકિબ અલ હસને કરેલા ગેરવર્તનની ભારે ટીકા કરવામાં આવી રહી છે. મેચ દરમિયાન અમ્પાયરે સાકિબની અપીલ પર બેટ્સમેનને આઉટ આપ્યો ન હતો ત્યારે તે રોષે ભરાયો હતો. મોહમ્મદ સ્પોર્ટિંગ માટે રમી રહેલો સાકિબ એટલો ગુસ્સે થયો હતો કે તેણે સ્ટંમ્પને લાત મારી હતી અને અમ્પાયર સાથે ગેરવર્તણૂક કરી હતી. તેનો વિડીયો સોશિયલ મીડિયા પર વાઈરલ થયો છે અને ક્રિકેટપ્રેમીઓએ તેના પર પ્રતિબંધ લગાવવાની માંગ કરી છે.

શેર-એ-બાંગ્લા સ્ટેડિયમમાં સાકિબે પોતાના જ સાથી ક્રિકેટર અને અબાહની લિમિટેડ માટે રમી રહેલા મુશફિકુર વિરુદ્ધ એલબીડબલ્યુની અપીલ કરી હતી જેને અમ્પાયરે ફગાવી દીધી હતી. જેના કારણે સાકિબ રોષે ભરાયો હતો. તેણે અમ્પાયર સાથે ઉદ્ધતાઈ કરી હતી અને સ્ટંમ્પને લાત મારી હતી. આ દરમિયાન સાકિબનું વર્તન જોઈને તેની ટીમના સાથી ખેલાડીઓ આશ્ચર્યમાં મૂકાયા હતા.
ફેસબુક પર માફી માંગી
સાકિબે બાદમાં પોતાના ફેસબુક પેજ પર આ ઘટના અંગે માફી માંગી હતી. તેણે કહ્યું હતું કે, મારા ચાહકો અને શુભચિંતકો, હું તે તમામ લોકોની માફી માંગુ છું જેમને આજે મારા વર્તનથી દુઃખ પહોંચ્યું છે. મારા જેવા અનુભવી ક્રિકેટર પાસેથી આવા વર્તનની ક્યારેય અપેક્ષા રાખવામાં આવી શકે નહીં. પરંતુ ક્યારેક-ક્યારેક મેચની પરિસ્થિતિ તણાવ ભરેલી હોય છે તેમાં આવું થઈ જતું હોય છે. હું તમામ ટીમો, ટુર્નામેન્ટમાં સામેલ તમામ અધિકારીઓ અને આયોજન સમિતિ પાસે મારી ભૂલની માફી માંગુ છું. મને આશા છે કે ભવિષ્યમાં મારાથી આ પ્રકારનું વર્તન થશે નહીં.
ટીમ ઈન્ડિયામાં ન મળ્યું સ્થાન, હવે આ ગુજરાતી ક્રિકેટર અમેરિકા તરફથી રમશેએક મેચનો પ્રતિબંધ લાગી શકે છે
મેચની વાત કરવામાં આવે તો તેની ટીમ મોહમ્મદન સ્પોર્ટિંગે ઢાકા પ્રીમિયર લીગમાં અબાહાની લિમિટેડને ડકવર્થ લૂઈસ મુજબ પરાજય આપ્યો હતો. બાંગ્લાદેશના 34 વર્ષીય ભૂતપૂર્વ કેપ્ટને ભલે માફી માંગી હોય પરંતુ સ્ટમ્પને લાત મારવી ક્રિકેટની આચાર સંહિતાની વિરુદ્ધ છે. સાકિબ પર એક મેચનો પ્રતિબંધ લાગી શકે છે.

અગાઉ પણ તેના પર લાગી ચૂક્યો છે પ્રતિબંધ
2017મા સાકિબ પર ઓન ફિલ્ડ અમ્પાયરને ગાળો બોલવાનો આરોપ લાગ્યો હતો અને તેના પર એક વર્ષનો પ્રતિબંધ લગાવવામાં આવ્યો હતો. આઈસીસી એ 2019મા સાકિબ પર ત્રણ મામલા અંતર્ગત બે વર્ષનો પ્રતિબંધ લગાવ્યો હતો. તે પ્રશંસકો સાથે પણ ઝઘડી પડ્યો છે.
શ્રીલંકા પ્રવાસ: ધવન કરશે ટીમનું નેતૃત્વ, ભાવનગરના ચેતન સાકરીયાનો પણ સમાવેશસાકિબ બાંગ્લાદેશી ટીમનો અનુભવી ખેલાડી છે. બાંગ્લાદેશ માટે તેણે 57 ટેસ્ટ, 212 વન-ડે અને 76 ટી20 મેચ રમી છે. તે વિશ્વનો નંબર-1 ઓલ-રાઉન્ડર પણ રહી ચૂક્યો છે. સાકિબ ઈન્ડિયન પ્રીમિયર લીગ (આઈપીએલ)માં પણ રમે છે. તે આઈપીએલમાં કોલકાતા નાઈટ રાઈડર્સ માટે રમે છે.

હિમાચલ પ્રદેશઃ મહાદેવનું અનોખું મંદિર જ્યાં દર 12 વર્ષે એકવાર પડે છે વીજળી

Share This :