June 22, 2021

શ્રીલંકા પ્રવાસ: ધવન કરશે ટીમનું નેતૃત્વ, ભાવનગરના ચેતન સાકરીયાનો પણ સમાવેશ

શ્રીલંકા પ્રવાસ: ધવન કરશે ટીમનું નેતૃત્વ, ભાવનગરના ચેતન સાકરીયાનો પણ સમાવેશ

Share This :
શ્રીલંકા પ્રવાસ: ધવન કરશે ટીમનું નેતૃત્વ, ભાવનગરના ચેતન સાકરીયાનો પણ સમાવેશ

હાઈલાઈટ્સ:

  • શ્રીલંકા પ્રવાસે જનારી ભારતીય ક્રિકેટ ટીમની જાહેરાત કરવામાં આવી
  • ભાવનગરના બોલર ચેતન સાકરીયા સહિત ટીમમાં ઘણા નવોદિત ખેલાડીઓને તક
  • શ્રીલંકાના પ્રવાસમાં ભારતીય ટીમ ત્રણ વન-ડે અને ત્રણ ટી20 મેચની સિરીઝ રમશે

નવી દિલ્હીઃ શ્રીલંકા પ્રવાસે જનારી ભારતીય ક્રિકેટ ટીમના સુકાની તરીકે ઓપનર શિખર ધવનની પસંદગી કરવામાં આવી છે. જ્યારે ઝડપી બોલર ભુવનેશ્વર કુમારને ઉપસુકાની બનાવવામાં આવ્યો છે. ભારતીય ટીમ આગામી મહિને વન-ડે અને ટી20 સિરીઝ રમવા શ્રીલંકાના પ્રવાસે જશે.

આ ટીમમાં ભાવનગરના યુવાન ખેલાડી ચેતન સાકરીયાનો પણ સમાવેશ કરવામાં આવ્યો છે. ચેતન સાકરીયાએ કોરોનાના કારણે અધવચ્ચે રદ થયેલી IPL-2021માં પ્રભાવશાળી પ્રદર્શન કર્યું હતું. ચેતન રાજસ્થાન રોયલ્સ ટીમ માટે રમી રહ્યો છે.
WTC ફાઈનલઃ વિરાટસેનાએ શરૂ કરી પ્રેક્ટિસ, નેટમાં પાડ્યો પરસેવોભારત અને શ્રીલંકા વચ્ચે કોલંબોના આર. પ્રેમાદાસા ઈન્ટરનેશનલ ક્રિકેટ સ્ટેડિયમમાં ત્રણ વન-ડે અને ત્રણ ટી20 મેચની સિરીઝ રમાશે. ભારત અને શ્રીલંકા વચ્ચે 13 જૂલાઈથી 25 જૂલાઈ દરમિયાન ત્રણ વન-ડે અને ત્રણ ટી20 મેચ રમાશે.

ભારતીય ક્રિકેટ કંટ્રોલ બોર્ડે ગુરૂવારે 20 સભ્યોની ટીમની જાહેરાત કરી હતી જેમાં ઓલ-રાઉન્ડર હાર્દિક પંડ્યા તથા સ્પિન જોડી કુલદીપ યાદવ અને યુઝવેન્દ્ર ચહલનો સમાવેશ કરવામાં આવ્યો છે. જ્યારે દેવદત્ત પડિક્કલ અને પૃથ્વી શો ઉપરાંત બે વિકેટકીપર બેટ્સમેન ઈશાન કિશન અને સંજૂ સેમસન પણ સ્થાન મેળવવામાં સફળ રહ્યા છે.
કેપ્ટન બનવાનું ‘સપનું’ જોઈ રહ્યો હતો યુવરાજ, એક ખેલાડીના કારણે ના થયું પુરૂશ્રીલંકા પ્રવાસ માટે ભારતીય ટીમ આ મુજબ છેઃ શિખર ધવન (સુકાની), પૃથ્વી શો, દેવદત્ત પડિક્કલ, ઋતુરાજ ગાયકવાડ, સૂર્યકુમાર યાદવ, મનીષ પાંડે, હાર્દિક પંડ્યા, નિતિશ રાણા, ઈશાન કિશન (વિકેટકીપર), સંજૂ સેમસન (વિકેટકીપર), યુઝવેન્દ્ર ચહલ, રાહુલ ચહર, કે.ગૌતમ, કૃણાલ પંડ્યા, કુલદીપ યાદવ, વરૂણ ચક્રવર્તી, ભુવનેશ્વર કુમાર (ઉપસુકાની), દીપક ચહર, નવદીપ સૈની, ચેતન સાકરીયા.

નેટ બોલર્સઃ ઈશાન પોરેલ, સંદીપ વોરિયર, અર્શદીપ સિંહ, સાઈ કિશોર, સીમરજીત સિંહ.

Share This :