May 14, 2021

Live Breaking News Coverage & Updates Website IN Gujarati Language

Live Breaking News Coverage & Updates Website IN Gujarati Language

સહેવાગનો ખુલાસોઃ પાકિસ્તાનમાં ગુસ્સે ભરાયેલા દ્રવિડે ધોનીને ખખડાવ્યો હતો

Share This :

હાઈલાઈટ્સ:

  • 2006ના પાકિસ્તાનના પ્રવાસમાં એક વન-ડેમાં ધોની ખરાબ શોટ રમીને આઉટ થયો હતો
  • ધોનીનો શોટ જોઈને રાહુલ દ્રવિડ ગુસ્સે ભરાયો હતો અને તેને ખખડાવ્યો હતો
  • સહેવાગે જણાવ્યું હતું કે દ્રવિડ ગુસ્સે ભરાયો ત્યારપછીની મેચમાં ધોનીએ વધારે શોટ્સ રમ્યા ન હતા

નવી દિલ્હીઃ ભારતીય ક્રિકેટ ટીમની દિવાલ ગણતો રાહુલ દ્રવિડ ભાગ્યે જ મેદાનમાં ગુસ્સે થયેલો જોવા મળ્યો છે. હાલમાં એકની એક જાહેરખબર આવી છે જેમાં તેનું રૌદ્ર રૂપ જોવા મળ્યું છે. જેને જોઈને ચાહકો પણ આશ્ચર્યમાં મૂકાઈ ગયા છે. જોકે, વીરેન્દ્ર સહેવાગે એક ખુલાસો કર્યો છે કે તેણે હકિકતમાં દ્રવિડને ગુસ્સે થયેલો જોયો હતો અને તેણે મહેન્દ્ર સિંહ ધોનીને ખખડાવ્યો હતો.

2006ના પાકિસ્તાન પ્રવાસમાં એક વન-ડેમાં મહેન્દ્ર સિંહ ધોની ખરાબ શોટ રમીને આઉટ થયો હતો અને ત્યારે દ્રવિડે તેને ખખડાવ્યો હતો. ક્રિકબઝ પર પર ભૂતપૂર્વ ઝડપી બોલર આશિષ નહેરા સાથેની વાતચીતમાં સહેવાગે જણાવ્યું હતું કે, મેં રાહુલ દ્રવિડને ગુસ્સે થયેલો જોયો છે. અમે પાકિસ્તાનના પ્રવાસે હતા અને ત્યારે ધોની ટીમમાં નવો જ હતો. એક મેચમાં તેણે શોટ રમ્યો હતો અને પોઈન્ટ પર કેચ આઉટ થયો હતો.

આ જોઈને દ્રવિડ ધોની પર રોષે ભરાયો હતો. તેણે ધોનીને ખખડાવ્યો હતો અને કહ્યું હતું કે, તું આ રીતે રમે છે? તારે મેચ ફિનિશ કરવી જોઈતી હતી. દ્રવિડે ધોનીને ઈંગ્લિશમાં ખખડાવ્યો તેના કારણે હું થોડો પાછો પડ્યો હતો. દ્રવિડે તેને શું કહ્યું હતું તે હું સમજી શક્યો ન હતો.

નોંધનીય છે કે દ્રવિડ કોઈ પણ પરિસ્થિતિમાં મેદાનમાં રોષે ભરાયો હોય તેવું ભાગ્યે જ બન્યું છે. તે પોતાના શાંત સ્વભાવ માટે જાણીતો છે. જોકે, હાલમાં એક જાહેરખબરમાં દ્રવિડ બેંગાલુરૂમાં ટ્રાફિક જામની પરિસ્થિતિમાં ગુસ્સે ભરાયેલો જોવા મળી રહ્યો છે. કોહલીએ દ્રવિડની આ જાહેરખબરનો વિડીયો પોતાના ટ્વિટર પેજ પર પોસ્ટ કરીને લખ્યું હતું કે, રાહુલ ભાઈનું આ રૂપ ક્યારેય જોયું નથી.
સહેવાગે ઉમેર્યું હતું કે દ્રવિડે ખખડાવ્યા બાદ ધોની જ્યારે રમવા ઉતરતો હતો ત્યારે વધારે શોટ્સ ન હતો ફટકારતો અને શક્ય તેટલું મેદાનમાં ટકી રહેવાનો પ્રયાસ કરતો હતો. તેણે કહ્યું હતું કે, ધોની ત્યારબાદ બેટિંગમાં આવ્યો ત્યારે મેં જોયું હતું કે તે વધારે શોટ્સ ફટકારતો ન હતો. હું તેની પાસે ગયો હતો અને શું થયું તેવું પૂછ્યું હતું. ત્યારે તેણે કહ્યું હતું કે હું પીથી દ્રવિડના રોષનો ભોગ બનવા ઈચ્છતો નથી.

Share This :