April 11, 2021

Live Breaking News Coverage & Updates Website IN Gujarati Language

Live Breaking News Coverage & Updates Website IN Gujarati Language

સુરતઃ કોરોનાને કારણે કામનું ભારણ, નવી સિવિલના તબીબો હડતાળ પર

Share This :

સુરતઃ શહેરમાં વધી રહેલા કોરોનાના કેસ વચ્ચે સુરત નવી સિવિલ હોસ્પિટલના રેસિડેન્ડ ડોક્ટર્સ અચોક્કસ મુદ્દતની હડતાળ પર ઉતરવાની ચીમકી આપી છે. ડોકટર્સનું કહેવું છે કે કોરોનાને કારણે કામનું ભારણ ખુબ જ વધી ગયું છે. જેની સામે હોસ્પિટલમાં સ્ટાફની સંખ્યા ઓછી છે. સ્ટાફની ભરતી કરવાની માંગણી સાથે ગુરુવારથી નવી સિવિલ હોસ્પિટલના ડોક્ટરો હડતાળ ઉતરશે તેવી જાહેરાત કરી છે.

દક્ષિણ ગુજરાતમાં સૌથી મોટી હોસ્પિટલ સુરત નવી સિવિલ હોસ્પિટલ છે. આ કેમ્પસમાં જ કોવિડ હોસ્પિટલ પણ તૈયાર કરવામાં આવી છે. જેથી આજુ બાજુ શહેરના તમામ દર્દીઓ સારવાર માટે અહીં આવે છે. જેની સામે સ્ટાફની અછત હોવાની તબીબો દ્વારા વારંવાર રજૂઆત કરવામાં આવે છે તેમ છતાં કોઈ ભરતી કરવામાં આવતી નથી તેવો તેમનો આક્ષેપ છે. ઓછા સ્ટાફ સાથે કામ કરવાનું હોવાથી તબીબો પર કામનું ભારણ વધી જાય છે તેમજ ઘણી વખત દર્દીઓના સગા સંબંધીઓ સાથે પણ માથાકૂટ થઈ જાય છે.

રાજ્યમાં કોરોનાની સ્થિતિ ગંભીર બની રહી છે. તેમાં સૌથી વધુ કેસ સુરત અને અમદાવાદમાં આવી રહ્યા છે. આ સ્થિતિમાં તબીબોને સતત હોસ્પિટલમાં હાજર રહેવું પડે છે.

Share This :