April 11, 2021

Live Breaking News Coverage & Updates Website IN Gujarati Language

Live Breaking News Coverage & Updates Website IN Gujarati Language

સુરત: મોબાઈલમાં ગેમ રમતી સગીરાનું 12માં માળેથી નીચે પટકાતા મોત થયું

Share This :

હાઈલાઈટ્સ:

  • પાલ-ભઠા રોડ પાસેની ગ્રીનપાર્ક સોસાયટીની ઘટના
  • બેલેન્સ બગડતા સગીરા 12માં માળેથી નીચે પટકાઈ
  • ઘટના દરેક માતા-પિતા માટે ચેતવણી રૂપ કિસ્સો છે
  • ઈચ્છાપોર પોલીસે ગુનો નોંધીને વધુ તપાસ હાથ ધરી

સુરત: સુરતના પાલ-ભઠા રોડ પર આવેલી એક સોસાયટીમાં બનેલી ઘટના દરેક માતા-પિતા માટે ચેતવણીરૂપ કિસ્સો છે. જ્યાં મોબાઈલ પર ગેમ રમતી એક સગીરાનું 12માં માળેથી નીચે પટકાતા કરૂણ મોત નીપજ્યું છે. બનાવની જાણ થતાં સગીરાને તાત્કાલિક સારવાર માટે હોસ્પિટલ ખસેડવામાં આવી હતી. જ્યાં ડોક્ટરોએ તેને મૃત જાહેર કરી હતી. પોલીસે મૃતદેહને પોસ્ટમોર્ટમ માટે ખસેડીને આગળની કાર્યવાહી હાથ ધરી છે.

બારીની પાળી પર બેસીને ગેમ રમતી હતી
મીડિયા રિપોર્ટ મુજબ સુરતમાં સામે આવેલા કિસ્સામાં એક સગીરા મોબાઇલમાં ગેમ રમતાં રમતાં 12મા માળેથી નીચે પટકાતા તેણીનું મોત થયું છે. સગીરા તેના ઘરની બારીની પાળી પર બેસીને ગેમ રમતી હતી. તે ગેમ રમવામાં એટલી મશગુળ હતી કે અચાનક જ નીચે પટકાઈ ગઈ. મળતી માહિતી પ્રમાણે ભાઈ-બહેન બન્ને મોબાઇલ પર ગેમ રમતાં હતાં. ભાઈ પેસેજમાં દોઢ ફૂટના પ્લેટફોર્મ પર બેસી ગેમ રમતો હતો, જયારે તેની બહેન બારીની પાળી પર બેઠી હતી.

બેલેન્સ બગડતા નીચે પટકાઈ
સ્થાનિક મીડિયા રિપોર્ટ મુજબ મૂળ રાજસ્થાનના વતની અને સુરતમાં પાલ-ભાઠા રોડ પર બાગબાન સર્કલ પાસે ગ્રીનપાર્ક સોસાયટીમાં રહેતા કાપડના વેપારી મુકેશ પુરોહિતની 17 વર્ષીય પુત્રી સોમવારે સાંજે ભાઈ સાથે કોમન પેસેજમાં બેસી મોબાઇલ પર ગેમ રમતી હતી. આ દરમિયાન બારીની પાળી પર 17 વર્ષની પુત્રી મોબાઇલમાં ગેમ રમવામાં મશગૂલ થતાં અચાનક બેલેન્સ બગડતા 12માં માળે બારીમાંથી સીધી નીચે પટકાઈ હતી. જેથી તેના શરીરમાં ગંભીર ઈજાઓ થઈ હતી.

ઘટના સમયે માતા-પિતા બહાર હતા
17 વર્ષીય સગીરાને સારવાર માટે લોહીલુહાણ હાલતમાં હોસ્પિટલ ખસેડાઈ હતી. જ્યાં સારવાર મળે તે પહેલા જ તેનું મોત નીપજ્યું હતું. મળતી માહિતી પ્રમાણે ઘટના બની ત્યારે પિતા દુકાને હતા અને માતા ખરીદી કરવા ગઈ હતી. ઘરે 6 વર્ષનો ભાઈ અને બે નાની બહેનો હતી. પિતાની ટેક્સટાઇલ માર્કેટમાં સાડીની દુકાન છે. સમગ્ ઘટના અંગે ઈચ્છાપોર પોલીસે વધુ તપાસ હાથ ધરી છે.

Share This :