April 11, 2021

Live Breaking News Coverage & Updates Website IN Gujarati Language

Live Breaking News Coverage & Updates Website IN Gujarati Language

સુરત: હાઈપ્રોફાઈલ અકસ્માત કેસમાં અતુલ વેકરિયા પોલીસ સ્ટેશનમાં હાજર

Share This :

હાઈલાઈટ્સ:

  • અકસ્માત કેસમાં અતુલ વેકરિયા ઉમરા પોલીસ સ્ટેશનમાં હાજર થઈ ગયો
  • અતુલ વેકરીયાનો રેપિડ ટેસ્ટ કરાવતા પોઝિટિવ આવ્યો હાલ સારવાર માટે હોસ્પિટલ ખસેડાયો
  • આરોપીએ આગોતરા જામીન માટે કોર્ટમાં અરજી પણ કરી હતી

સુરતઃ શહેરના હાઈપ્રોફાઈલ ડ્રિંક એન્ડ ડ્રાઈવ અતુલ વેકરિયાના કેસમાં નવો વળાંક આવ્યો છે. 26 માર્ચના રોજ દારૂ પીધેલી હાલતમાં અતુલ બેકરીના માલિકે અકસ્માત સર્જયો હતો જેમાં એક યુવતીનું મોત થયું હતું. કેસમાં પોલીસે આરોપીના ઘરે શોધ કરી હતી પરંતુ મળ્યો નહતો. પરંતુ આજે અતુલ વેકરિયા ઉમરા પોલીસ સ્ટેશનમાં હાજર થઈ ગયો.

26 માર્ચે જ્યારે અકસ્માત સર્જાયો હતો ત્યારે પોલીસે અતુલ વેકરિયાની દારૂ પીધેલી હાલતમાં ધરપકડ કરી હતી. બીજા દિવસે કોર્ટમાં રજૂ કરતા તેને 15 હજારના જાત જામીન પર મુક્ત કરવામાં આવ્યો હતો. હોસ્પિટલમાં સારવાર હેઠળ યુવતીનું મોત થયા બાદ પોલીસે વધુ કલમો ઉમેરો કરી અતુલને શોધવા પીપલોદ સ્થિત તેના ઘરે પહોંચી હતી પરંતુ તે હાથમાં આવ્યો ન આવ્યો અને અન્ડરગ્રાઉન્ડ થઈ ગયો હતો. આરોપીએ આગોતરા જામીન માટે અરજી પણ કરી હતી જેના પર 12 એપ્રિલના રોજ સુનાવણી હતી જોકે તે પહેલા જ તે આજે પોલીસ સ્ટેશનમાં હાજર થઈ ગયો.

પોલીસે અતુલ વેકરિયાની ધરપકડની કાર્યવાહી હાથ ધરી છે. અતુલ વેકરીયા ઉમરા પોલીસ સ્ટેશનમાં હાજર થયા બાદ તેને કોવિડ ટેસ્ટ માટે લઈ જવાયો હતો. અતુલ વેકરીયાનો રેપિડ ટેસ્ટ કરાવતા પોઝિટિવ આવ્યો હતો. ત્યારબાદ આરટીપીસીઆર રિપોર્ટ પણ કાઢવામાં આવ્યો હતો. અતુલ વેકરીયાનો કોરોના રિપોર્ટ પોઝિટિવ આવતા તેને પોલીસ જાપ્તા સાથે હોસ્પિટલમાં સારવાર માટે ખસેડવામાં આવ્યો છે. હજી RT-PCRનો રિપોર્ટ આવવાનો બાકી છે. જોકે, રેપિડ ટેસ્ટ પોઝિટિવ આવતા જ તેને સારવાર માટે દાખલ કરી દેવામાં આવ્યા છે.

શું છે સમગ્ર કેસ?
મળી રહેલી માહિતી મુજબ ગત 26 માર્ચની રાત્રે વેસુ વિસ્તારમાં રાત્રે GJ 05 RM 1863 નંબરની લક્ઝુરિયર કાર પૂર ઝડપે આવી રહી હતી. જેણે વેસુ વિસ્તારમાં એક સાથે ત્રણ મોપેડ ચાલકોને અડફેટે લીધા હતા. જેમાં બેથી ત્રણ લોકોને ઈજા પહોંચતા તેમને સારવાર માટે હોસ્પિટલમાં ખસેડવામાં આવ્યા છે. મોપેડ પર બેઠેલી 28 વર્ષની ઉર્વેશી ચૌધરીને અતુલ વેકરિયાએ અડફટે લેતા ઉર્વશીનું ટુંકી સારવાર દરમિયાન મોત થયું હતું.

સુરતઃ લક્ઝુરિયસ કાર ચાલકે 3 મોપેડને અડફેટે લીધા

Share This :