April 11, 2021

Live Breaking News Coverage & Updates Website IN Gujarati Language

Live Breaking News Coverage & Updates Website IN Gujarati Language

હવે 24 કલાકમાં ઈચ્છો ત્યારે લઈ શકાશો કોરોનાની રસી

Share This :

હાઈલાઈટ્સ:

  • કેન્દ્રીય આરોગ્ય મંત્રી ડો. હર્ષવર્ધને વેક્સીનેશનના સમય અંગે જાણકારી આપી.
  • ખાનગી હોસ્પિટલોમાં ઈચ્છો ત્યારે રસી મૂકાવી શકશો.
  • રાજ્ય સરકાર ઈચ્છે તો સરકારી હોસ્પિટલમાં પણ આવી સુવિધા આપી શકશે.

નવી દિલ્હી: કોરોના વેક્સીન લેવા માટે રસીકરણ શરૂ થવાની રાહ નહીં જોવી પડે. સવારે 9થી સાંજે 5 વાગ્યા સુધી જ રસી આપવામાં આવશે, એ નિયમ હવે બદલી દેવાયો છે. હવે, ખાનગી હોસ્પિટલોમાં ઊભા કરાયેલા રસીકરણ કેન્દ્રો પર તમારી મરજી મુજબ 24 કલાકમાં કોઈપણ સમયે વેક્સીન મૂકાવી શકશો. કેન્દ્રીય આરોગ્ય મંત્રી ડો. હર્ષવર્ધને આ જાણકારી આપી. સરકારે રાજ્ય સરકારોને પણ એ છૂટ આપી છે કે, જો તે ઈચ્છે તો સરકારી હોસ્પિટલોમાં પણ આવી સુવિધા આપી શકે છે. કેન્દ્ર સરકાર મુજબ, રાજ્યોને 5 કરોડ ડોઝ મોકલવામાં આવી ચૂક્યા છે.

ડો. હર્ષવર્ધન મુજબ, સરકારે આ નિર્ણય વેક્સીનેશન અભિયાનની ઝડપ વધારવા માટે લીધો છે. તેમણે બુધવારે એક ટ્વીટમાં કહ્યું કે, ‘વડાપ્રધાન નરેન્દ્ર મોદી દેશના નાગરિકોના આરોગ્યની સાથે-સાથે તેમના સમયની કિંમત સારી રીતે જાણે છે.’ સરકારે મંગળવારે ખાનગી હોસ્પિટલોને વેક્સીનેશન સેન્ટર બનાવવા અંગેની શરતોમાં પણ ઢીલ આપી હતી.

Dr. Harsha Vardhan

કેન્દ્ર સરકારે બધી ખાનગી હોસ્પિટલોમાં વેક્સીન ઉપલબ્ધ કરાવવાની મંજૂરી આપી દીધી છે. પહેલા એવો નિયમ હતો કે, આયુષ્યમાન ભારત, સીજીએચએસ કે રાજ્ય સરકારની યોજનાઓમાં સામેલ ખાનગી હોસ્પિટલોમાં જ રસી મૂકવામાં આવશે. હવે, કહેવાયું છે કે, જે ખાનગી હોસ્પિટલોમાં નક્કી કરાયેલા માપદંડોનું પાલન કરવામાં આવી રહ્યું છે, તેને વેક્સીન ઉપલબ્ધ કરાવાશે.

વેક્સીનનો પહેલો ડોઝ લગાવાયા પછી તમે એ જ હોસ્પિટલમાં બીજા ડોઝ માટે બુક થઈ જશો. જો, બીજા ડોઝની તારીખે વ્યક્તિ કોઈ બીજા શહેરમાં છે તો તે પોતાના બુકિંગને શેડ્યૂલ પણ કરી શકશે. સરકારે કહ્યું કે, તે એ વાતનું ધ્યાન રાખશે કે એક વ્યક્તિને બે અલગ-અલગ ડોઝમાં અલગ-અલગ વેક્સીન ન આપી દેવામાં આવે.

કોરોના વેક્સીનેશનના બીજા તબક્કામાં 60 વર્ષથી વધુ ઉંમરના લોકોને રસી આપવામાં આવી રહી છે. તે ઉપરાંત 45 વર્ષથી વધુ વર્ષના એવા લોકો જેમને કો-મોર્બિલિટીઝ છે, તે પણ રસી મૂકાવી શકે છે. રજિસ્ટર કરવા માટે માત્ર બે રીત છે. એક તો CoWIN પોર્ટલ અને બીજી આરોગ્ય સેતુ એપ જેમાં CoWIN એપને ઈન્ટીગ્રેપ કરાઈ છે. પ્લે સ્ટોર પર રજિસ્ટ્રેશન માટે કોઈ એપ નથી. તમે બંને રીતે રજિસ્ટ્રેશન કરાવી શકો છો.

ટૂંક સમયમાં જ શરૂ થશે નેઝલ વેક્સીનની ટ્રાયલ
કોવાક્સીન બનાવનારી ભારત બાયોટેકે કોવિડ-19 માટે એક નેઝલ વેક્સીન પણ બનાવી છે. મીડિયા રિપોર્ટસ મુજબ, આવતા સપ્તાહથી તેની ટ્રાયલ શરૂ થઈ શકે છે. આ સિંગલ ડોઝ વેક્સીન અમેરિકાના સેન્ટ લુઈમાં આવેલી વોશિંગ્ટન યુનિવર્સિટી સ્કૂલ ઓફ મેડિસિન સાથે મળીને તૈયાર કરવામાં આવી છે.

Share This :