June 22, 2021

520 કરોડના કાંડમાં પોલીસે સુરતમાંથી ચા-નાસ્તાની લારીવાળા સહિત બેને ઉઠાવ્યા

520 કરોડના કાંડમાં પોલીસે સુરતમાંથી ચા-નાસ્તાની લારીવાળા સહિત બેને ઉઠાવ્યા

Share This :
520 કરોડના કાંડમાં પોલીસે સુરતમાંથી ચા-નાસ્તાની લારીવાળા સહિત બેને ઉઠાવ્યા

હાઈલાઈટ્સ:

  • રુપિયા ડબલ કરવાના નામે બે ચાઈનીઝ એપ દ્વારા દેશના અનેક સ્થળોએ કૌભાંડ આચરાયું
  • બોગસ કંપનીઓ ઉભી કરી ફંડ તેમાં ટ્રાન્સફર કરાતું અને બાદમાં કૌભાંડીઓને રુપિયા અપાતા
  • સુરતમાં પણ ઉભી થઈ હતી બોગસ કંપની, બે ટકા કમિશનની લાલચે બે યુવક કૌભાંડમાં સંડોવાયા

સુરત: ચાઈનીઝ એપ્સ દ્વારા લોન આપી કરોડો રુપિયાના કૌભાંડનો ભાંડો ફુટ્યાને હજુ ગણતરીનો સમય થયો છે, ત્યારે રુપિયા ડબલ કરવાના આવા જ એક કાંડમાં પોલીસે સુરતમાંથી બેને ઉઠાવ્યા છે. જેમાંથી એક આરોપી વેસુમાં ચા-નાસ્તાની લારી ચલાવે છે, જ્યારે બીજો ટુર્સ એન્ડ ટ્રાવેલ એજન્ટ તરીકે કામ કરે છે. આ બંને આરોપીને બેંગલોર પોલીસ શોધી રહી હતી, જેની જાણ સુરત પોલીસને કરાતા બંનેને પકડીને બેંગલોર પોલીસને સોંપી દેવાયા હતા.

ખોડીયાર આશ્રમના મહંતની કામલીલાના વિડીયોમાં દેખાતી યુવતીનો ચોંકાવનારો ધડાકો
પાવર બેંક અને ઈઝેડ પ્લાન નામની બે ચાઈનીઝ એપ દ્વારા બેંગલોર, દિલ્હી, ઉત્તરાખંડ તેમજ દેશના અલગ-અલગ હિસ્સામાં લોકોને રુપિયા ડબલ કરવાની લાલચ આપીને 520 કરોડ જેટલી માતબર રકમ એકત્ર કરાઈ હતી. આ મામલે દિલ્હી પોલીસ દ્વારા કુલ 11 કૌભાંડીઓની ધરપકડ કરવામાં આવી હતી. તપાસમાં એવું બહાર આવ્યું હતું કે એપ દ્વારા માત્ર બે જ મહિનામાં આ સમગ્ર કૌભાંડને અંજામ અપાયો હતો.

લગભગ પાંચ લાખ લોકો પાસેથી પડાવાયેલી 520 કરોડની રકમને ટ્રાન્સફર કરવા માટે કૌભાંડીઓએ બે બોગસ કંપનીઓ ઉભી કરી હતી. જેના અકાઉન્ટમાં આ નાણાં જમા થતા હતા. ત્યારપછી તેમના અકાઉન્ટમાંથી રુપિયા કૌભાંડીઓના અકાઉન્ટમાં ટ્રાન્સફર કરવામાં આવતા હતા. દિલ્હી ઉપરાંત આ મામલે બેંગલોરમાં પણ ગુનો નોંધાયો હતો, જેની તપાસમાં સુરતના બે લોકોના નામ ખૂલ્યા હતા.

ભાડુઆતની પત્નીને ભગાડી ગયેલા મકાનમાલિકને રાહત આપવાનો કોર્ટનો ઈનકાર
કૌભાંડીઓ દ્વારા જે બોગસ કંપનીઓ ઉભી કરાઈ હતી તેમાંની એક સુરતમાં પણ હતી, જેને ચા-નાસ્તાની લારી ચલાવતા વિજય વણઝારા અને ટ્રાવેલ એજન્ટ જય પારેખના નામે ખોલવામાં આવી હતી. તપાસ માટે સુરત આવેલી બેંગલોર પોલીસે આ મામલે સ્થાનિક પોલીસને જાણ કરી હતી. ટેકનિકલ સર્વેલન્સ બાદ બંને આરોપીઓને પકડીને સુરત પોલીસે બેંગલોર પોલીસને સોંપી દીધા હતા.

પ્રાપ્ત વિગતો અનુસાર, ચાની કિટલી ચલાવતો વિજય ક્યારેક ડ્રાઈવિંગનું પણ કામ કરતો હતો અને જયને ઓળખતો હતો. કૌભાંડીઓના સંપર્કમાં રહેલા જયે વિજયને સામેલ કરીને કાગળ પર કંપની બનાવી હતી. તેમને રુપિયાનો વહીવટ કરવા બદલ બે ટકા કમિશન પણ મળતું હતું.

Share This :