April 11, 2021

Live Breaking News Coverage & Updates Website IN Gujarati Language

Live Breaking News Coverage & Updates Website IN Gujarati Language

Happy World Health Day: જીવનભર સ્વસ્થ રહેવું છે, તો બસ આ પાંચ નિયમોને અનુસરો

Share This :

નવી દિલ્હીઃ દર વર્ષે વિશ્વ સ્વાસ્થ સંગઠન-WHOના સ્થાપના દિવસ, 7 એપ્રિલને વિશ્વ સ્વાસ્થ દિવસ તરીકે મનાવવામાં આવે છે. જેના માટે દર વર્ષે એક ખાસ વિષય નક્કી કરવામાં આવે છે અને આ વર્ષે વિશ્વ સ્વાસ્થ દિવસની થીમ છે ‘એક સ્વસ્થ દુનિયાનું નિર્માણ’. દુનિયામાં ગંભીર સ્વાસ્થ સમસ્યાઓ સામે વિશ્વ સ્વાસ્થ સંગઠન તો કામ કરી રહ્યું છે, પરંતુ સ્વસ્થ જીવન માટે કેટલાક સાદા અને સરળ એવા નિયમો પણ છે જેને આસાનીથી રોજિંદા જીવનમાં ઉતારીને કાયમ માટે સ્વસ્થ જીવન મેળવી શકાય છે.

આ નિયમો તદન સરળ છે અને જીવનશૈલીમાં સામેલ કરી શકાય એવા છે. જેની મદદથી આજના તણાવભર્યા સમયમાં પણ તંદુરસ્ત શારિરીક અને માનસિક સ્વાસ્થ મેળવી શકાય છે.

2

આ માટે સૌથી પહેલી જરુરિયાત છે સંતુલિત આહારની. એક્સપર્ટ પણ સલાહ આપતાં આવ્યા છે કે, દિવસમાં ઓછીમાં ઓછા ત્રણ વાર પૌષ્ટિક અને તંદુરસ્ત ભોજન લેવા જોઇએ અને રાતના સમયનું ભોજન હલકુ, જલ્દીથી પચી જાય એવુ રાખવાનો પ્રયત્ન કરવો જોઇએ. આહારમાં ખાસ કરીને ફળ, શાકભાજી, અનાજ, પ્રોટીનયુક્ત ખોરાક સામેલ થવા જોઇએ. કારણ કે સંતુલિત આહાર જ સારામાં સારુ પોષણ આપી શકે છે.

3

સ્વાસ્થ માટે સંતુલિત આહારની સાથે પૂરતી ઊંઘ લેવી પણ એટલુ જ જરુરી છે. અનેક રિસર્ચમાં પૂરવાર થઇ ચૂક્યુ છે કે, ઓછી ઊંઘ મેદસ્વીતા અને હ્રદયરોગ સહિત અનેક બીમારીઓનું કારણ છે. આથી તમામ વયના લોકોએ માનસિક થાક દૂર કરવા માટે પૂરતી ઊંઘ લેવી જરુરી છે. જો સારી ઊંઘ લેવામાં તકલીફ પડતી હોય તો કેટલીક આદતોમાં સુધારો કરવો જોઇએ, જેમ કે

-દિવસમાં કોફીનું સેવન કરવાથી બચો
-સૂવાનો અને ઊઠવાનો એક સમય નક્કી કરી તેને અનુસરો
-સૂઇ જવાના કેટલાક કલાક પહેલા ઘરમાં અજવાળું ઓછુ કરી દો, જેથી જલ્દીથી ઊંઘ આવશે.

4

દુનિયાભરમાં લોકોના ખરાબ સ્વાસ્થ માટે તણાવ એક સૌથી મોટુ કારણ માનવામાં આવે છે. દરરોજ તણાવમાં રહેતી વ્યક્તિનું વજન વધવા લાગશે અને તેનું શરીર બીમારીઓનું ગર બનતુ જશે. જોકે તણાવ પર કાબૂ મેળવવો રમત વાત નથી, પરંતુ તણાવ પેદા કરતા કારણોથી દૂર રહેવું એ આપણા હાથમાં છે. આ માટે એ સમજવુ જરુરી છે કે જીવનમાં કઇ વસ્તુ વધારે મહત્વની છે. જો આ સમજણ આવી ગઇ તો તણાવ પર અંકુશ મેળવી લેવામાં સરળતા રહેશે. આ સિવાય પણ કસરત, યોગ જેવી પદ્ધતિઓ તણાવથી મુક્ત થવામાં મદદ કરે છે.

જીવનભર સ્વસ્થ રહેવા માટે માનસિક તંદુરસ્તી પણ એટલી જ મહત્વની બાબત છે. યાદ રાખવુ જોઇએ કે આપણું માનસિક સ્વાસ્થ જ આપણા સંપૂર્ણ સ્વાસ્થનો પાયો છે. માનસિક સ્વાસ્થ માટે યોગ અને ધ્યાન સારા વિકલ્પો છે આ સિવાય આનંદ અને સંતોષ આપતા કામો પણ જીવનમાં સામેલ કરવા જોઇએ.

5

માનસિક અને શારિરીક સ્વાસ્થ માટે સૌથી સારો વિકલ્પ છે રોજિંદા જીવનમાં વ્યાયામને સ્થાન આપવું. અમેરિકન હાર્ટ એસોસિએશન અઠવાડિયામાં 150 મિનિટ વ્યાયામ અથવા અઠવાડિયામાં ઓછામાં ઓછા 3 કલાક વ્યાયામ કરવાની સલાહ આપે છે. અહીં યાદ રાખવા જેવો મુદ્દો એ પણ છે કે વર્કઆઉટને જેટલી મજેદાર બનાવશો એટલો જ વધારે ફાયદો મળશે.

Share This :